Amb Mofert (gemèndje)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Amb Mofert (Ambt Montfort) Gewaeze gemeinte in Nederlandj
Gevörmp	1991 (1994)
Opgehaeve	2007
Opgegange in	Roerdale
Provincie	Nederlands Limburg
Hoofplaats	Berg ane Roer
Opperflaakde (bie opluffing)	44,15 km²
– daovan water:	0,15 km²
Inwoeners (kort veur opluffing)	10.919 (1-11-2006)
– deechde:	248/km²
Lies van börgemeisters

Amb Mofert (officiële Nederlandse naam Ambt Montfort) waas 'n Nederlands-Limburgse gemèndje bie Remunj, mit 'n oppervlak van 44,15 km² en op 1 januari 2006 10.999 inwoners. 't Is noe óngerdeil van de gemèndje Roerdale. De gemèndje hauw de volgendje woonkerne: Mofert (Montfort), Berg ane Roer (Sint-Odiliënberg) mit de naobersjappe Lerop, Paalder (Paarlo) en 't Räötje (Reutje), en Postert (Posterholt) mit De Varsj (Varst). 't Gemèndjehoes stóng in Berg.

De gemèndje woor verneump nao 't bestuursdistrik Amb Mofert, det inne middelieëve bestóng.

Insignes

Op 25 april 1991 kreeg de nuuj fusiegemèndje, nag óngere naam Postert, 't volgendje waope toegekantj:

Gedwersbalk van zes stökker, de middelste doorsniejing gekantjeeldj, zèlver en lazuur, 't twieëdje stök belaje mit drie viefblajer van zèlver, geknoep van góld. 't Sjèldj gedèk mit 'n gólj kroean van drie blajer en twieë paerele.

't Waope woor veural gebaseerdj op 't aad waope van Postert (zes stökker zèlver en lazuur); dit dörp haw 't weer vanne hieëre van Vlórp (wo Postert vanaads ónger vool). De viefblajer komen oet 't waope van Berg, dewijl de kantjele rappeleren aan 't kestieël in 't waope van Mofert. Wie de gemèndje in Amb Mofert woort ómgeduip, haet die dit waope gehaje.

Gesjiedenis

De gemèndje Amb Mofert bestóng eigelik al saer 1 januari 1991, mer dan ónger de naam Postert. 't Waas 'n fusiegemèndje, die óntstange waas nao 't fusere vanne gemèndjes Postert, Berg ane Roer en Mofert. Op 1 januari 2007 is de gemèndje Amb Mofert mit de gemèndje Roerdale gefuseerd toet 'n nuuj gemèndje die ouch Roerdale geneump weurd.