Woiwodsjap Opole

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

Woiwodsjap van Pole Opole
Hoofplaats	Opole
Opperflaakde	9.412 km²
Inwoeners – deechde:	994.489 (30-06-2016) 105,7/km²
woiwode	Adrian Czubak
Kreise	1 Kreisfreie Städte 11 Kreise
Gemeintes	71
Website	Website van Opole

Woiwodsjap Opole (Pools: Województwo opolskie; Dütsj: Woiwodschaft Oppeln; Silezisch: Uopolske wojewůdztwo) is 'n woiwodsjap i Pole. Zie grens aa woiwodsjap Neder-Silezië in 't weste, aa Groeët-Pole en Łódź in 't noarde een aa Silezië in 't oeëste. In 't zude grens zie aa Tsjechië. Höar hoofsjtad is Opole. Opole is ee va de woiwodsjappe mit 'n groeëte Dütsje minderheed, esóch 'n Silezische minderheed, die 'n eige sjproak kalt: 't Silezisch.

Geografie

De woiwodsjap ligk i g'n ouw sjtreek Silezië. Woiwodsjap Opole en Silezië vörme same wier "Hoeëg Silezië". 't Landjsap is semlig plat, behaove 't zude en oeëste van 't gebeed. De 185 kilometer lange grens mit Tsjechië, weëd gevörmt durch de Sudete. Dat is e middelgebirgde. In 't oeëste guëf 't lieëggebirgde en heuvelland. D'r "Biskupia Kopa" (Bischofskoppe) óp g'n grens mit Tsjechië is mit 891 meter boave zieëniveau d'r hoeëgste berg.

Qua óppervlak en iwuënesj is 't de klingste woiwodsjap.

Klimaat

Opole hat e continentaal klimaat mit kaode winktere en hete zoeëmere. De gemiddelde temperatuur bedraag -3° i d'r winkter en 18,5° i d'r zoeëmer. 't Gemiddeld aatal daag mit reëge is 140-160 en 't gemiddeld aatal daag mit sjnei ligk tussje de 40 en 60, en numt van wes noa oeës touw. I e joar valt zoeën 650 millimeter.

Reviere

• Nysa Kłodzka (Glatzer Neiße)
• Osobłoga (Hotzenplotz/Ossa)
• Klodnitz
• Mała Panew (Malapane)
• Oder
• Opova (Oppa)
• Stobrawa (Stober)
• Psina (Zinna)

Sjteëj

Sjteëj mit mieë es 10.000 iwuënesj zint (sjtank: 30-06-2015):

Sjtad	Aatal iwuënesj
Opole (Oppeln)	119.465
Kędzierzyn-Koźle (Kandrzin-Cosel)	62.578
Nysa (Neiße/Neisse)	46.646
Brzeg (Brieg)	36.541
Kluczbork (Kreuzburg O.S.)	24.377
Prudnik (Neustadt O.S.)	21.617
Strzelce Opolskie (Groß Strehlitz)	18.312
Krapkowice (Krappitz)	16.816
Namysłów (Namslau)	16.109
Głuchołazy (Ziegenhals)	14.017
Głubczyce (Leobschütz)	12.888
Zdzieszowice (Deschowitz; 1936-1945: Odertal O.S.)	11.839

Sjproak

Vólges de letste vólkstelling van 2002 kalt 84% va de iwuënesj Pools en 8,3% Dütsj. I de groeëte sjteëj en in 't zuudweste domineert 't Pools. In 't oeëste guëf 't mieë Dütsje en Silezisch-Dütsje minderhede. Óch 't Sjlavisch-Silezisch weëd hei gekald. De mietste lüj kanne 't Pools en dat Dütsje dialek bei kalle. 't Kalle en gebroeke van 't Dütsj of Dütsje dialekte is seër 1990 touwgesjtange. D'r vuur woar 't sjtreng verboade. Zoeëwaal de ouw es de jónge generatie binne de etnische Dütsesj behieësje 't Dütsj. Dütsj kan me i g'n sjoeël lieëre.

• 
  De Dütsje minderheed i Silezië
• 
  De 28 gemingdes oeë mieë es 20% etnisch Dütsjer is
• 
  Gemingdes oeë de Dütsje sjproak 'ne officiële sjtatus hat (14) of gemingdes die 't Dütsj es officiële sjproak maag iveure
• 
  Twieësjproakig sjild

Externe links

Commons: Opole Voivodeship – Media gerelateerd aan dit óngerwerp