Woiwodsjap Lubusz

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

Woiwodsjap van Pole Lubusz
Hoofplaats	Gorzów Wielkopolski, Zielona Góra
Opperflaakde	13.988 km²
Inwoeners – deechde:	1.017.450 (30-06-2016) 72,7/km²
woiwode	Władysław Dajczak
Kreise	2 Kreisfreie Städte 12 Kreise
Gemeintes	83
Website	Officiële website va lubusz

Woiwodsjap Lubusz (Pools: Województwo lubuskie; Dütsj: Woiwodschaft Lebus) is 'n woiwodsjap i Pole. Ze grens in 't weste aa de Dütsje bondssjtate Sakse en Brandeburg, in 't noarde aa Wes-Pommere, in 't oeëste aa Groeët-Pole en in 't zuje aa Neder-Silezië. Ze hat twieë hoofsjteë: Gorzów Wielkopolski. Hei is de regering. De anger is Zielona Góra. Hei is 't parlement gevestig.

Geografie

't Lanksjap va Lubusz is semlig plat. Vruier besjtong zie oet zump en lieëg bussje, durchsjneie durch de reviere de Oder en de Warthe. De Lausitzer Neiße is vuur e deel de wesgrens en geliek óch de grens mit Dütsjland. Deler va g'n woiwodsjap zint hoeëgvlakdes, die döks neet mieë es e paar tieëntalle metere hoeëger zint es de oersjtruimdaler (va bevuurbild de Oder) oet 't Pleistoceen. Dit lanksjap vink me óch vöal i g'ne noabersjtaat Brandeburg. 't Hoeëgste punt is hei 227 meter boave zieëniveau.

Sjteë

Sjteë mit mieë es 10.000 iwuënesj zint (sjtank: 30-06-2015):

Sjtad	Aatal iwuënesj
Zielona Góra (Grünberg in Schlesien)	138.763
Gorzów Wielkopolski (Landsberg an der Warthe)	124.116
Nowa Sól (Neusalz an der Oder)	39.413
Żary (Sorau)	38.292
Żagań (Sagan)	26.365
Świebodzin (Schwiebus)	21.988
Międzyrzecz (Meseritz)	18.464
Kostrzyn nad Odrą (Küstrin; bis 1928: Cüstrin)	18.097
Sulechów (Züllichau)	17.242
Słubice (Frankfurt-Dammvorstadt)	16.927
Gubin (Guben)	16.855

Gesjichde

De óppervlakde va g'n woiwodsjap kunt gooddils uëveree mit g'n ouw sjtreek Neumark. Dees sjtreek woar lang óngerdeel van 't Markgraafsjap Brandeburg en vanaaf 1815 va g'n gelieknamig Prusische provins. 't Gebeed behoeëde van 1226 bis 't joar 1806 tot 't Hillig Roeëmsj Riek. I dat letste joar woeëd 't Hillig Roeëmsj Riek ópgeheëve. 't Westelig deel i Dütsjland heesj nog ummer "Brandeburg" en óch doa guëf 't marke, zoeëwie de Uckermark en de Mittelmark. 't Noardelig deel va Sakse-Anhalt heesj wier de Altmark. In 1945, noa d'r Twieëde Weltkreeg, koam 't gebeed wier aa Pole. De woiwodsjap woeëd vernumt noa de ouw sjtrieëk Lebus. Lebus is óch e sjtedje in Brandeburg, aa g'n grens. Bis de sjtichting va g'n sjtad Frankfurt an der Oder, in 1253, woar dit sjtedsje de wichtigste i g'n regio.

Kling sjtökker va g'n woiwodsjap behure tot de ouw historische sjtreke Silezië en de Lausitz.

• 
  De provins Brandeburg i Pruses
• 
  De marke i ge Markgraafsjap Brandeburg
• 
  't Hillig Roeëmsj Riek

Galerie

• 
  'n Grub in e natoerpark kótbei 't dörp Gryżyna
• 
  Nationaal park Drawa
• 
  't Muskaupark: UNESCO-welterfgood
• 
  Zielona Góra

Externe links

Commons: Woiwodschaft Lebus – Media gerelateerd aan dit óngerwerp

• Website va de regering va Lubusz