Waadhoeke

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Gemeinte Waadhoeke
Provincie	Friesland
Hoofplaats	Franeker
Börgemeister (lies)	Marga Waanders (PvdA)
Opperflaakde – daovan water	ca. 305 km² ? km²
Inwoeners – deechde:	46.104 (2018) 151/km²

Waadhoeke (Fries veur Waddenhook) is 'n gemeinte in de Nederlandse provincie Friesland, in 't noordweste vaan die provincie, aon de Waddezie, mèt naoventrint 46.000 inwoeners. Hoofplaots en wiedoet groetste plaots is Franeker. Waadhoeke oontstoont in 2018 oet 'n fusie tösse 't Bildt, Franekeradeel, Menameradiel en e stökske vaan de ouch opgelufde gemeinte Littenseradiel.

Vörming

De vörming vaan Waadhoeke maak deil oet vaan 'n herindeilingsoperatie die gans Wes- en Noord-Friesland betrof. Nao de groete fusie vaan 1984 bleef 't aontal Friese gemeintes jaorelaank geliek, meh vaanaof 2011 begóste diverse gemeintes toch wijer te fusere.

De naom Waadhoeke woort gekoze naotot de fusiepartners 'nen tied de werknaom Westergo hadde gebruuk. Ouch de opties Franeker en Nij-Westergoa haolden 't neet.

Herindeilingshistorie

'ne Gemeintenaom tösse häökskes wèlt zègke tot e significant deil (minstens eine woenkern) bij oplufting nao 'n aander gemeinte góng.

• Waadhoeke (sinds 2018)
  • 't Bildt (tot 2018)
    • (Barradeel; tot 1984)
  • Franekeradeel (tot 2018)
    • Franeker (tot 1984)
    • (Barradeel; tot 1984)
  • Menameradiel (tot 2018; veur 2010 bekind es Menaldumadeel)
  • (Littenseradiel; 1984-2018; veur 1985 bekind es Littenseradeel)
    • Baarderadeel (tot 1984)
    • Hennaarderadeel (tot 1984)

Kerne

De gemeinte umvat 41 kerne. In de gemeintes 't Bildt en Franekeradeel waore de Nederlandse plaotsnaome officieel, in Littenseradiel en Menameradiel de Friese. Veurluipeg is dat in de nui gemeinte neet veraanderd. Heioonder steit ummer d'n officiële naom iers; wienie dee Fries is, steit dat mèt 'nen asterisk aongegeve.

Lèt op: de alternatief naome vaan de dörper oet 't Bildt zien neet Fries of Nederlands, meh Bildts. 't Fries is in dit polderlandsjap neet inheims, en de plaotsnaomsjèlder zien dao twietaoleg Nederlands-Bildts, zoonder 'nen eventuele Friese naom. Dit gelt neet veur Minnertsga, wat tösse 1984 en 2018 ouch bij 't Bildt hoort: dit ligk op 't aajd land en hei is 't Fries wel inheims.

De kerne zien: Achlum, Baaium* (Baijum), Bitgum* (Beetgum), Bitgummole* (Beetgummermolen), Berlitsum* (Berlikum), Blessum*, Boer, Boksum*, Deinum*, Dronryp* (Dronrijp), Dongjum (Doanjum), Firdgum (Furdgum), Franeker (Frjentsjer), Herbaijum (Hjerbeam), Hitzum (Hitsum), Ingelum* (Engelum), Klooster-Lidlum (Kleaster-Lidlum), Marssum*, Menaam* (Menaldum), Minnertsga (Minnertsgea), Nij Altoenae, Oosterbierum (Easterbierrum), Oudebildtzijl (Ouwe Syl), Peins, Pietersbierum (Pitersbierrum), Ried (Rie), Schalsum (Skalsum), Sexbierum (Seisbierrum), Sint Annaparochie (Sint Anne), Sint Jacobiparochie (Sint Jabik), Skingen* (Schingen), Slappeterp*, Spannum*, Tzum (Tsjom), Tzummarum (Tsjummearrum) Wier*, Winsum*, Wjelsryp* (Welsrijp) en Zweins (Sweins).

Politiek

Gemeinteraod

Op 22 november 2017 woorte verkezinge veur de raod gehawwe. D'n oetslaag daovaan waor:

Partij	Zetele
CDA	8
SAM Waadhoeke	6
Gemeentebelangen	6
FNP	5
VVD	3
ChristenUnie	1
Totaol	29

Börgemeisters

Marga Waanders vaan de PvdA is börgemeister gewore. Ze waor daoveur börgemeister vaan de intösse ouch opgelufde gemeinte Dongeradeel.

Bron

Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in de dees versie.

Extern links

• Officieel website