Dantumadiel

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Dantumadiel in Friesland

Dantumadiel (Nederlands Dantumadeel) is 'n gemeinte in de Nederlandse provincie Friesland, mèt (31 mei 2018) 18.941 inwoeners en 'n oppervlak vaan 87,49 km² (daovaan 1,71 km² water). De gemeinte umvat de kerne Broeksterwâld (Broeksterwoude), Damwâld (Damwoude), Driezum (Driesum), De Falom (De Valom), Feanwâlden (Veenwouden), Readtsjerk (Roodkerk), Rinsumageast (Rinsumageest), Sibrandahûs (Sijbrandahuis), Wâlterswâld (Wouterswoude) en De Westereen (Zwaagwesteinde). De Friese naome zien sinds 2009 officieel.

Historie

De grietenij Dantumadeel weurt veur 't iers geneump in 'n oorkónde oet 1242. In 1350 maakde Kollum en e paar ander plaotse ziech vaan Dantumadeel los um 't Kollumerland te vörme. Aon 't ind vaan de vieftiende en begin vaan de zestiende iew waor Dantumadeel toneel vaan de gevechte tösse de Schieringe en de Vetkoupers. De grietenij bleef bestoon tot 1851, wie de Gemeintewèt ingeveurd woort. In 1984 woorte de dörper Bidaard en Janum nao Ferwerderadiel euvergebrach.

Externe link

Website vaan de gemeinte