Äöpen houfmenu

Dit artikel is gesjreve (of begós) in 't Wèssems. Laes hie wie v'r mit de versjillende saorte Limburgs ómgaon.


De kirk van Wèssem

Wèssem (ouch waal Wisheim, Nederlands Wessem) is e stedje in de Nederlands-Limburgse gemeinte Maasgoew. Det 't 'n stad is kintj me zeen aan d'n opboew van 't plaetske: de vesting is nag dudelik te zeen in 't straotepetroean.

In 2004 haet de sjutterie St. Joris oet Wèssem 't OLS (het Oud Limburgs Schuttersfeest) gewónne. In 2005 organisieërdje 't 't OLS. 't Historisch plaetske Wèssem is mieër den doezendj jaor aod.

Uuever de aodste historie van Wèssem is neet väöl bekindj. De naam duit Frankisch aan en opgravinge die 't de aafgeloupe jaore gaaf, wieze den ouch op 'ne bewuuening in de Romeinse tied. In dezen tied waas 't gebied van Wèssem Keltisch en in dees streek wuuende de Eburone, de Nervii enne Remi, allemaol sjtamme van de Belgae. Det Limburg Keltisch waas kintj me ouch huuere in os taal. Gaius Julius Caesar neumtj in zien book De Bello Gallico de Belgae de dapperste van alle Kelte. Woea me noe Limburgs sprèk, laefde vruueger de Keltische stam de Belgae. Wèssem lik ouch in 't gebeed woea 't vruueger bokkeriejers gaaf.

Tot 2007 laag Wèssem inne gemeinte Hael.

Externe linkBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wèssem&oldid=437770"