De Baek

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Brachs, es te dit dialek sjpriks.

---

De Baek (boetedörps: Brachterbaek; Nederlandjs: Brachterbeek of Maasbracht-Beek) is e dörp inne Nederlandjs-Limburgse gemèndje Maasgoew. De aadste vermeljing kump oet róndj 1500. In 2009 talj 't dörp zoeaget 1.240 inwoeaners.

De Baek ligk tösse Brach, Brachtersjtasie (richting Ane Berg/Mofert) en Lin in.

Gesjiechte

De Baek is óntstange langse baekkantje vanne vreuger Krómbaek. 't Dörp behuuerdje vreuger bieje parochie Brach. 'ne Bekèndjen en wichtige parochieherder waas pestoear L.F. Vorsterman, ómstreeks 1700. Deze leet in 1695 in Brach 'n nuuj kirk boewe. De Baek woort pas in 1932 e zelfstenjig rektoraot en in 1946 'n parochie.