Stefan Janev

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Neet te verwarre mit de gelieknaomege Bölgaorse vootballer, Stefan Janev

Stefan Dinčev Ânev^[1], Stefan Dintsjev Janev^[2], Stefan Dintschev Janew^[3] of Stefan Dintchev Yanev^[4] (Bölgaors: Стефан Динчев Янев) is sinds 12 mei 2021 d'n tijeleken oonaofhaankeleken demissionaire premier vaan Bölgarije bistot 'ne nuie regeringsleier weurt verkoze veur 't land.

Janev naom 't premiersjap tijelek euver vaan Bojko Borisov, dee es regeringshoof vaan drei termiene (2009-2013, 2014-2017 en 2017-2021), d'n op ein nao langsregerende premier vaan Bölgarije is. In ziene lèsten termien waor Borisov in 'nen institutionelen oorlog terech gekomme mèt de president Rumen Radev. Radev woort op 22 jannewarie 2017 verkoze tot president en, allewel oonaofhaankelek, kraog heer veural support vaan de sociaoldemocratische oppositie. De twie politici indegde in 'n bitter rivaliteit boe-in ze mekaar d'r vaan besjöldegde Bölgarije in 'n polletiek crisis te höbbe gegoeid. Radev woort heidoor 'nen oetgesproke veurstender vaan de prottesteerders tijes de anti-Borisov-demonstraties vaan 2020-2021.