Oos-Veluws: Versjèl tösje versies
wio |
(gei versjil)
|
Versie op 8 jul 2007 18:15
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
 |
Tot daen tied kan d'n inhaud van 't artikel veurnaam informatie misse of nog neet good in zie verbandj ligke. |
't Oos-Veluws is de samevattende naom veur de Nedersaksische dialekte gesproke op de oostelike Veluwe en in 't aonpaolend westelik deil vaan d'n Achterhook. Dees dialekte höbbe aonzeenlike Nederfrankischen invlood gehad, meh laank neet zoeväöl wie 't Wes-Veluws. De dialekte vertuine veural väöl verwantsjap mèt 't Sallands.
Definitie en indeiling
Euver de Veluwe löp 'n aontal isoglosses, die (noord-)oostelike vaan (zuid)-westelike kinmerke aofgrendele. Deze böndel vörmp de grens tösse Oos- en Wes-Veluws. Aon d'n ooskant ligke alle plaotse oet de gemeintes Elburg en Oldebroek, Epe, Vaassen, Apeldoorn en Dieren. De klein dörpkes Elspeet, Uddel en Kootwijk, die midde op de Veluwe ligke, hure bij 't Wes-Veluws. In d'n Achterhook ligk de grens vaan 't Oos-Veluws t'n ooste vaan Harfsen, Zutfen, Warnsveld, Wichmond en Hummelo[1].
De grens mèt 't Sallands is nogal wèllekäöreg: die weurt samegenómme mèt de provinciegrens tösse Gelderland en Euverijssel. De wèrkelikheid is tot tösse dees twie dialekte hielemaol gein grens besteit. 't Dialek vaan Hattem versjèlt beveurbild aamper vaan dat vaan Zwolle, en allein 'n geografische grens maak 't dialek vaan de ierste plaots Oos-Veluws en dat vaan de twiede plaots Sallands.
In de dialectologie is 't daorum neet oongewoen um väöl Veluwse dialekte in dezelfde groop in te deile es 't Sallands. 't Standaardwerk vaan A.A. Weijnen deilt 't groetste deil vaan 't gebeed bij 't Sallands in. Elburg en Oldebroek en umgeving, boevaan de dialekte get minder bij 't Sallands aonslete, neump 'r same mèt 't Wes-Veluws gewoen Veluws[2]. De indeiling vaan Jo Daan liekent dao sterk op, meh zij trèk de grenze vaan 't Veluws in 't zuidooste get wijer door. Bij häör is daodoor o.m. ouch 't Apeldoorn e Veluws dialek. De res vaan de oostelike Veluwe deilt ze in bij wat zij neump 't Gelders-Euverijssels[3].
