Wikipedia:Systeemwèrkers

(Doorverweze van Wikipedia:Beheerders)

'n Aantal gebroekers op Wikipedia haet de speciale taak van systeemwèrker. De huidig actief systeemwèrkers zint:

  1. Guaka (actief? logboek))
  2. Cicero (actief? logboek)
  3. Steinbach (bureaucraat) (actief? logboek)
  4. Aelske (actief? logboek)
  5. Pahles (bureaucraat) (actief? logboek)
  6. Ooswesthoesbes (actief? logboek)

Zuug ouch Speciaal:Listadmins veur de actueel lies.


Meugelikhede van 'ne systeemwèrker bewirk

'ne Systeemwèrker kin bepaalde dinger doon wat 'ne normale gebroeker neet kin, in 't biezónder:

  • Ein pazjena gans weggoaje (d.w.z. inclusief de veurgesjiedenis)
  • Ein pazjena 'op sjloot zitte' zodat allein systeemwèrkers die kinne verangere
  • Weggegoajde pazjena's asnog bekieke en truukhaole
  • 't Meis ingriepend: 'n adres blokkere van 'ne gebroeker dae verkierde dinger deit (zoas 't weghaole van tèks van pazjena's zónger rede). Dizze gebroeker kriet dan zoget te zeen as:
Gebroeker is geblokkeerd: as se dees boodsjap kries kins se gein pazjena's bewirke.
  • 'n Blokkering opheffe.

'n Blokkering weurt opgeheve door de lies Speciaal:Ipblocklist veur dae gebroeker of veur 't betreffende IP-adres te bewirke.

Lèt op bie 't opheffe van 'n blokkaasj van 'ne gebroeker: dats te nóg 'n extra blokkade moes opheffe (nl.: 't IP-nummer). Me moet dan e (gecodeerd) adres oet de lies hole (te bereike via 't blokkeerlogbook bovenaan) en dat nog ins deblokkere.

Systeemwèrkers gebroeke dees meugelikheid allein veur 't algemein belang, en dan ouch nog neet al te väöl. Ouch weurt van systeemwèrkers verwach dat ze zich bezighoute mit 't verbaetere van Wikipedia.

Systeemwèrkers zint neet belangrieker bewirk

Dit alles beteikent neet dat systeemwèrkers belangrieker zint as anger deilnummers. Jekere deilnummer dae mitwèrk aan d'n opboew van dees encyclopedie weurt aeve serieus genómme en haet 'n aeve groete sjtum bie 't bepale van wat 'r gebeurt.

Informeer ein van de besjtaonde systeemwèrkers es doe ouch systeemwèrker wils were.

Systeemwèrkersjap kint weure gegeve aan die die al höbbe laote zeen good wèrk te doon op de Limburgse Wikipedia. De gezamelike Limburgstalige Wikipediagemeinjap besjlis hie-euver, woebie de besjtaonde moderators ein advies oetbrènge. 't Aantal systeemwèrkers mót bie veurkeur in 'n redelike relatie sjtaon tot 't aantal actief gebroekers en 't aantal verangeringe dat in Wikipedia weurt aangebrach. D'r is ummer plek veur 'ne extra systeemwèrker.

Zuug ouch: Systeemwèrkerseuverzich van alle wiki's op meta

Tröktrèkke van adminrechte bewirk

Adminrechte blieve op dees wiki in principe altied bie degene dae die verwórve haet. Oetzunjeringe zeen es emes zelf aangeuf det d'r de rechte lever kwiet is of es de gemeinsjap nao misbroek van rechte vintj det degene neet mier gesjik is es admin. Ónger misbroek van rechte weurt versjtange:

  • 'nen angere gebroeker blokkere in 'n perseunelike vreigel;
  • 'ne wheelwar veure (de actie van 'ne collega ummer weer óngedaon make, beveurbeeld d'n eine wösj 'n artikel, d'n angere zèt 't weer trök, d'n eine wösj 't weer etc.)

In zón geval weurt 'n sjtumming gehaje, wobie de wil van de mierderheid bepaolt of emes zien rechte moog behaje of neet.

Inactiviteit op zich is dus gein raeje veur de rechte van emes aaf te numme.