D'r [[Duutsj]]e naam vör Paosje is ''Ostern'' en d'r [[Ingelsj]]e ''Aestereaster''. [[Jacob Grimm]], dae naeve [[sjpreukske|sjprookjes]] sjrieve ooch an taalkundig en volkskundig oonderzeuk deeg, vroog zich aaf oeë dae Duutsje naam mèt te make how en kieëm via [[Beda]] - dae in d'r achste ieëw d'r mond [[april]] ''ostermonat'' neumde en de beraeëkening va Paosje, die ooch huuj nog gehanteerd wert, makde - op 'n veroondersjtèlde pre-chistelijke lentegodin [[Ostare]]. Aafbeeldinge oet d'r 19de ieëw van die godin zeunt bekaand en dao-op treft me ooch knieng of haze aa. Recaent oonderzeuk van d'r naamkundige [[Jürgen Udolf]] oet 1999 zaet evvel dat ''Ostern'' en ''Aester'' in verbaand zow sjtoeë mèt 'n waoërdfamilie oet de [[Noordgermaanse tale]]: ''ausa'', mèt water gete; ''austr'', begete en nao 't Aod-[[Noors]]e waoërd en 't pre-christelek [[water]]ritueel ''vatni ausa'', mèt water begete. In de christeleke [[Paosjnach]] sjpelt 't [[deup]]ritueel ooch 'n centraal rol.
