Steinbok (starebeeld)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Kaart vaan 't starebeeld Steinbok

Steinbok (Capricornus, aofgekort tot Cap) is e starebeeld aon de zuieleke hiemelkoepel. De Latiense naom beteikent geheurende geit. Miestal weurt 't starebeeld weergegeve es 'n zie-geit, e mythisch bies wat haaf geit, haaf vès is. Steinbok bevind ziech in e deil vaan de hiemelkoepel dee me ouch wel de Zie of 't Water neump, umtot väöl vaan de starebeelde in dit deil water-gerelateerd zien. De ecliptica löp door dit starebeeld en dus is 't ouch e teike vaan de dierereem. De zon steit vaan 19 jannewarie tot 16 fibberwarie in Steinbok.

Stare

(in volgorde vaan aofnummende helderheid)

• Deneb Algedi (δ, delta Capricorni)
• Dahib (β, beta Capricorni)
• Secunda Giedi (α², alpha² Capricorni)
• Nashira (γ, gamma Capricorni)
• Prima Giedi (α¹, alpha¹ Capricorni)
• Alshat (ν, nu Capricorni)

Wienie 't bèste te zien?

Steinbok is op 't noordelek haafroond vaan augustus tot november te zien aon de nachhiemel. De bèsten tied is midde september roond negen oor in d'n aovend. De stare die deil oetmake vaan Steinbok zien evels neet zoe helder boedoor zie meujelek te zien zien.

Wat gief 't nog mie te zien?

In Steinbok zien versjeie starestèlsels en starehuip te zien. M30 is zoe'ne starehoup op oongeveer 30.000 leechjaor aofstand. Ouch 't spiraolstèlsel NGC 6907 is hei te vinde.