Adeleer (starebeeld)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Kaart vaan 't starebeeld Adeleer

Adeleer (Aquila) is 'n starebeeld wat aon d'n hiemel aon de Mèlkweeg ligk.

De Mèlkweeg is hei door doonker wolke in twie deile gesplits. 't Starebeeld, wat door de zier helder staar Altair op zomeraovende gemekelek in 't zuie aon d'n hiemel is te vinde, ligk in 'n gebeed wat door 'ne kleine verrekieker beloert wiemelt vaan de stare.

De Adeleersnevel bevindt ziech, oondanks de naom, in 'n aander starebeeld.

Stare

(in volgorde vaan aofnummende helderheid)

• Altair (α, alpha Aquilae)
• Tarazed (γ, gamma Aquilae)
• Deneb el Okab (ζ+ε, zeta + epsilon Aquilae)
• Theta Aquilae
• Alshain (β, beta Aquilae)

Aongrenzende starebeelde

(mèt de wijzers vaan de klok mèt)

• Pijl (Sagitta)
• Hercules
• Slangendreger (Ophiuchus)
• Slang (Serpens)
• Sjèld (Scutum)
• Baogsjötter (Sagittarius)
• Steinbok (Capricornus)
• Watermaan (Aquarius)
• Dolfijn (Delphinus)