Baogsjötter (starebeeld)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Kaart vaan 't starebeeld Baogsjötter

Baogsjötter (Sagittarius, afkorting Sgr) is e starebeeld aon de zuieleke hiemelkoepel. In de riechting vaan dit starebeeld ligk 't centrum vaan de Mèlkweeg. D'n ecliptica löp door dit starebeeld, en daomèt is Baogsjötter dus ouch ein vaan de teikene vaan de dierereem. De zon steit vaan ongeveer 18 december tot 19 jannewarie in dit starebeeld. In de Benelux is allein 't noordelek deil vaan Baogsjötter te zien.

Stare

(in volgorde vaan aofnummende helderheid)

• Kaus Australis (ε, epsilon Sagittarii)
• Nunki (σ, sigma Sagittarii)
• Ascella (ζ, zeta Sagittarii)
• Kaus Media (δ, delta Sagittarii)
• Kaus Borealis (λ, lambda Sagittarii)
• Albaldah (π, pi Sagittarii)
• Nash (γ, gamma² Sagittarii)
• Polis (μ, mu Sagittarii)
• Rukbat (α, alpha Sagittarii)
• Arkab Prior (β, beta¹ Sagittarii)
• Arkab Posterior (β, beta²Sagittarii)
• Terebellum (ω, 59 & omega Sagittarrii)
• Ain al Rami (ν, nu Sagittarii)

Wat gief 't nog mie te zien?

In dit deil vaan d'n hiemelkoepel ligke versjèllende helder stare en liechtende en doonker nevele, zoewie de Lagunenevel (M8) en de Trifidnevel (M20). Ouch vins te hei Sagittarius A, boe-in ziech e supermassief zwart gaat (Sagittarius A*) bevint, wat perceis in 't centrum vaan de Mèlkweeg ligk.