Soap
- Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.
'ne Soap, aafgeleid van 't èngelsje soap-opera, is 'n Tv-serie die regelmaotig - èng of mieë kieër in de waeëk - wert oetgezonde. Ze deent väöral um 'n reklaam-vreunteleke umgaeving te make op 'ne zender.
Naamgaeving bewirk
De soap-series zeunt in 't midde van d'r vurrige ieëw oontsjtande in de VS en waoërte gesponsord dör waesjmiddelefabrikaante. De series waoërte 's mörges oetgezonde en d'r hoofdoelgroep waore de hoesvrowwe. Väör en nao de oetzending waoërt reklaam gemakt vör 't waesjmiddel. Ooch sjluik-reklaam kieëm vör. Op die meneer probeerde me de waesjmiddele an de vrow te bringe.
One man's family bewirk
D'r ursjte soap is in 1932 gemakt in de vorm van 'n hoorsjpèlserie väör d'r radio. 'ne Waesjmiddelefabrikaant gool 15 minute zendtied en makde 'n hoorsjpèl va 12 minute. D'r vör en d'r nao makde-e reklaam vör z'n zèèp. Dis serie hoosj One man's family en is in 1949 umgezat nao 'n Tv-serie.
Belangriekste kenmaerke bewirk
- 'ne Soap haat gee rèchtig begin en ooch geen dudelek eind en wert al 'driejende' gesjraeve. Dit in taegesjtèlling tut de telenovela, die ursj gesjraeve wert en da gemakt.
- In 'ne soap ziet me de groeëte gebäörtenisse, zoewie 'n oongeval, 'ne zelfmoord, 'n gebaoërte neet. Die gebäörtenisse werre allèng besjpraoëke. De personage sjterve bekaans noeëts 'ne natuurleke doeëd.
- De personages zeunt vlak en make gèng oontwikkeling durch. Me haat gooje en sjlechte, sjtaerke en zjwakke en dat verendert noeëts.
Soaps in Nederland bewirk
De bekindste soaps in Nederland zien Goede Tijden, Slechte Tijden en Onderweg naar Morgen. Mer al ieder waore dao aandere series wie Medisch Centrum West en Spijkerhoek.
Langdoorig bewirk
'n Aontal Amerikaanse series löp al hiel lang. De langsloupende is Guiding Light (de ierste radio oetzending waor op 25 januari 1937 en de ierste tèllevisie oetzending op 30 juni 1952) en de op ein nao langsloupende is As The World Turns, mèt de ierste oetzending op 2 aprèl 1956. In As The World Turns späölt ein vaan de actrices al sins 't begin mèt.
Limburgse soap? bewirk
De Hemelpaort wert d'r ursjte Limburgse soap geneumd mae is qua concept ieëder 'n telenovela. Ze sjpieëlt in Elzenrade (Elsraoj) (Baek).