Rundskop
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Kinders, es te dit dialek sjpriks.
Rundskop (Limbörgs: Rindskop) is 'ne Limbörgse film oet Bèlsj vaan Michaël R. Roskam oet 2011. Roskam rezjiseerde en sjreef de film. De hoofrolle weure gespäöld door Matthias Schoenaerts, Jeroen Perceval en Barbara Sarafian. In 2012 woort Rundskop genommeneerd veur 'nen Oscar veur bèsten Europese film. Dee won 'r evels neet. 't Is daomèt d'n ierste Limbörgse film dee genommeneerd is veur 'nen Oscar.
Taol
bewirkNeve Nederlands (op z'n Vlaoms) en Frans (op z'n Waols) woort ouch veur e groet deil Limbörgs gesproke. De dialekte versjèlle. 't Limbörgs wat de Vlaominge spreke in de film, oonderein, is 'ne misjmasj vaan Centraol-Limbörgse dialekte, die 't mies in de buurt koume vaan 't Kinders. Daoneve späölt ouch 'ne Braobantse acteur oet Nederland, Frank Lammers, mèt in de film. Allewel heer in 't ech 't Limbörgs neet riechteg sprik, heet heer veur deze film de Limbörgse teks oet ziene kop mote liere. Dudelek is tot heer gei Limbörgs dialek sprik oet 't Bèlsj. Zien dialek heet 't mies eweg vaan 't AGL (Algemein Gesjreve Limburgs), aongezeen 't dialek 'ne misjmasj is vaan Sittards, Remuns en Geleens. Heer sprik beveurbeeld vaan ich en dich, dewijl de Belzje in de film vaan iech en ow spreke. Daoneve zeet heer ouch dèkser kalle, veur de res heet me 't in de film ummertouw euver praote. 't Kump evels nörges in de film ter spraoke tot heer 'n aander dialek spreek. Woersjijnelek is de bedoeling gewees tot 't groets gedeilte vaan 't publiek (lui die gein Limbörgs spreke) dit neet in de gate zouwe höbbe.
Verhaol
bewirkDe jonge Limbörgse vètmèster Jacky Vanmarsenille oet Sintruin weurt door 'ne malafide viearts gevraog om 'nen deal te slete mèt 'ne beruchte Wes-Vlaomse vleisboer. De moord op 'ne federaole govie en 'n oonverwachte confrontatie mèt e mysterieus geheim oet zien gesjiedenis zètte evels 'n reeks gebäörtenisse in geng mèt wiedgaonde gevolge.