Algemein Gesjreve Limburgs
Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.
't Algemein Gesjreve Limburgs is e projek van Limburghuis.
Nao aanleijing van 'ne oproop van de sjoernelis Wim Kuipers in 1989, óm 't Limburgs op sjrif vas te lègke, haet Paul Prikken De Taal van de Maas, 'nen diksjenaer, gesjreve. Van 1995 pès 1999 haet de Kemissie Algemein Gesjreve Limburgs 'n ierste aanzèt gegeve.
't Aafzich van 't AGL is óm 'ne sjtanderd op te zètte veur 't sjrieve van de varrejeteite van 't Limburgs wie dat weurt gekald in Oes- en Wes-Limburg en in de Selfkantj.
Saer jaore ligk 't projek sjtil. De lèsten update van hun website is 'ne column oet 2006. In 2019 góng de website oet de loch, zodet de brónne van 't AGL veur geïntresseerde neet mie te bereike zeen. Planne veur 'n lies mit Limburgs idioom of 'nen AGL-grammaer zeen noets van de gróndj gekómme.[1] Wel gebroek de Limburgse Wikipedia anno 2021 nog ummer AGL veur meta-tekste wie sjablone en centraal geredeneerde meldinge; veur artikeltekste is 't ein optie.
Kinmerke
bewirk't AGL zeuk de kónsens tösje alle Limburgse dialekte. Es sjtrukturiel versjille tösje mie gebejer veurkómme, mós te in waeze kónne keze veur ein van de mäögelikhede.
Euver 't algemein haet 't AGL 'n wiej norm es 't geit óm waordkäös. Wäörd die lang neet in alle dialekte veurkómme zeen toch in de diksjenaer opgenomme. 't Idee is det Limburgers 'n sjpraok neet te väöl moete hove aanpasse es ze AGL wille sjrieve, ómdet det de dörpel te hoeg zouw make.
Veurbild
bewirk- Mit vruntelike toesjtömming euvergenome van limburghuis.nl
Rosa en Fortuna
- De wèthauwers van Zitterd doon niks lever es eerste sjtein te metsele. 't Probleem mèt daen hobby van Arets en Co is, dat veur daen eine sjtein meistes väöl anger sjtein mote aafgebraoke waere. Mer dat is eigentlik biezaak: wae zouw neet gaer ziene naam veur eeuwig in ein marmere plaat höbbe sjtaon? De meiste luuj mote zich kóntent doon mèt hunne sjtein op het kirkhef. Veur ei losgesjlage kleesj van B&W is dat natuurlik te min. Diej wille op aerd nog meer sjpaore van hun presentie achterlaote es ein atoombóm.
Rifferenties
bewirkExtern links
bewirk
- van 't Limburghuis bie de Way Back Machine (gekopieerd van 't orzjineel)