Sanna Marin

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Sanna Marin in 2019

Sanna Marin (Helsinki op 16 november 1985) is de premier vaan Finland sinds 10 december 2019. Zie is d'n daarde vrouweleke premier oet de Finse historie en de jongste premier dee Finland oets heet gehad; zie woort premier op häör veerendaartegste. Daomèt waor zie 'n tiedsje de jongste zittende polletieke leier op eerd. Allewijl is zie d'n op ein nao jongste. Allein Giacomo Simoncini vaan San Marino is sinds 2021 'ne jongere leier in functie.

Marin is 'n Finse polletieka die es lid vaan de Sociaoldemocratische Partij vaan Finland (SDP) in 2015 'ne parlemintariër woort. Häör SDP maak deil oet vaan de sociaoldemocratische Europese polletieke partij: de S&D. Hei behuurt ouch de Nederlandse PvdA, de Belzje SP.a en PS en de Duitse SPD bij. De SDP oonder Sanna Marin bleef 'n typisch sociaoldemocratische polletieke partije, mèt veurstendersjap veur 't behawwe vaan 'ne sterke welveertstaot en groete steun veur progressief-cultureel ideaole, wie 't steune vaan 't homohouwelek. Op aander fronte lieket de SPD evels mie nao 't centrum te neige in vergelieking mèt sociaoldemocratische collega's oet aander EU-lidstaote. Zoe wèl de Finse SPD neet 't idee steune tot EU-börgers ouch veur boetelandse parlemintariërs kinne stumme veur 't Europees Parlemint. Ouch is de partij veurziechteg in 't oetspreke vaan veurstendersjap veur 't versterke vaan rechte veur migrante en is de partij fel tegestender vaan 't legalisere vaan softdrugs wie kemp[1].

RifferentiesBewirk

  • Ingelstaolege Wikipedia
  1. Eulandi 2019: Social Democratic Party of Finland, voting behaviour


  Polletieke leiers in d'n Europese Raod: regeringshoufde (RH) of sjtaotshoufde (SH) van de lidjstaote van de Europese Unie
  Charles Michel, President vaan d'n Europese Raod (gein sjtömrech)
  Belsj: De Croo (RH) |   Bulgarieë: Petkov (RH) |   Cyprus: Anastasiadis (SH) |   Daenemarke: Frederiksen (RH) |   Duutsjlandj: Scholz (RH) |   Eslandj: Kallas (RH) |   Finlandj: Marin (RH) |   Frankriek: Macron (SH) |   Griekelandj: Mitsotakis (RH) |   Hongarieë: Orbán (RH) |   Ierlandj: Martin (RH) |   Italië: Draghi (RH) |   Kroatië: Plenković (RH) |   Letlandj: Kariņš (RH) |   Litouwe: Nausėda (SH) |   Luxembörg: Bettel (RH) |   Malta: Abela (RH) |   Nederlandj: Rutte (RH) |   Oesteriek: Nehammer (RH) |   Pole: Morawiecki (RH) |   Portugal: Costa (RH) |   Roemenië: Iohannis (SH) |   Sjlowakieë: Heger (RH) |   Sjlovenië: Janša (RH) |   Sjpaanje: Sánchez (RH) |   Tsjechië: Fiala (RH) |   Zjwaeje: Andersson (RH)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sanna_Marin&oldid=452815"