Óngerbenk

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Óngerbenk (Onderbanken) Gewaeze gemeinte in Nederlandj
Gevörmp	1982
Opgehaeve	2019
Opgegange in	Baekdale
Provincie	Limburg
Hoofplaats	Sjilvend
Opperflaakde (bie opluffing)	21,24 km²
– daovan water:	0,06 km²
Inwoeners (kort veur opluffing)	7.775 (31-5-2018)
– deechde:	367/km²
Lies van börgemeisters

De Óngerbenk (Nederlands: (De) Onderbanken) is 'n veurmaolege gemeinte in Nederlands Limburg, ten noorde vaan de Parkstad Limburg. Mèt dees stei vörmp de gemeinte 'n opmerkelek contras es plattelandsgemeinte. De gemeinte had tösse de 7.500 en 8.000 inwoeners en 't oppervlak bedroog 21,24 km².

De gemeinte oontstoont in 1982 bij de groete fusiegolf in Zuid-Limburg oet de aw gemeintes Bèngelder, Jaobik, Merkelbek en Sjilvend. De naom Óngerbenk is e historisch begrip, naomelek 'n gróp dörper die same 'n rechseinheid vörme. In 2019 góng de gemeinte same mèt Nut en Sjènne op in de nui fusiegemeinte Baekdale.

't Raodhoes stoont in Sjilvend.

Kortbij de Óngerbenk, bij 't Duits Geilekèrk, ligk sins de late jaore zeveteg 'n lochmachbasis vaan de NAVO. In 't verleie heet me väöl geprotesteerd tege 't lewej wat de vleegmasjiene make. Begin einentwintegste iew maakde me bekind tot zes hectaar bos zjus tege de grens gekap mós weure, veur de mesjiene nog lieger te kinne laote euvervlege. Vaanaof 2003 verzat de gemeinte ziech daotege, meh in 2005 stèlde de Raod vaan Staot ze in 't oongeliek. In januari 2006 woort 't stök bos gekap, naotot 'n gróp actieveurders vaan GroenFront! en de Vereniging STOP awacs mèt geweld oet 't bos weggehaold mós weure.

Kerne

Dörper, gehuchte en buurtsjape:

• Bèngelder (Bingelrade)
  • Kwabik (Quabeek)
  • G'n Veel (Viel)
  • Raat (Raath)
• Jaobik (Jabeek)
  • Ieëtselder (Etzenrade)
• Merkelbek (Merkelbeek)
  • Hout
  • Doeve (Douvergenhout)
• Sjilvend (Schinveld)
  • Op d'n Hering

Externe link

• Gemeinte Óngerbenk

50° 58′ N, 5° 58′ O