Oblas Leningrad

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

---

Vlag van de Oblast Leningrad

Ligking van de oblast Leningrad

Oblas Leningrad (Russisch: Ленинградская область; Leningradskaja Oblast ) is ein oblas (besjtuurlikke eenheid) in 't noordwestelik deil van Ruslandj. 't Is 't gebied rondj Sint-Petersburg, 't besjtuur is dao ouch gevestigdj, maar de sjtad zelf is ein zelfsjtenjige besjtuurseenheid. In taegesjtelling toet de sjtad haetj de oblast nao ein referendum ziene aje naam gehaje. De oblast omvat 't gebied rondj Sint-Petersburg en reiktj van'ne Finse en'ne Estische grens toet veurbiej de zudelikke helf van 't Ladogamaer toet 't Onegamaer. De belangriekste riviere zeen de Newa en de Volchov. Besjtuurlik gezeen besjtuitj 't gebied oet 17 Rayons (rus: районы; transl.: rayons) en 1 kanton (rus: волость; transl.: volost).

Historie

't Gebied ligktj aan'ne Finse Golf en 't gebied waas vreuger bekindj es Ingermanlandj, en waerdje door Finoegrische volke bewoondj. De Wepse, Wote, en Ingriërs zeen nog restante van dees volke die nog in dit gebied laeve. Begin 18e eeuw waerdje 't door Ruslandj veroverdj, en mit de sjtichting van Sint-Petersburg begos de ontwikkeling van 't gebied.

Economie

De economie is divers en de belangriekste activiteite zeen masjieneboew, houtverwerking, chemische industrie en energieopwekking. Veur de economie is de regio sjterk aafhankelik van'ne have van Sint-Petersburg.