Sebastopol
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
Sebastopol (Rössisch: Севасто́поль, Savastopol; Oekraïens: Севасто́поль, Sevastopol; Krim-Tataars: Акъяр, Aqyar; Greeks: Σεβαστούπολη, Sevastoupoli) is 'n stad op 't schiereiland de Krim, direk aan de Zwarte Zieë en op de oetluipers van 't Krimgebergte. Saer de Rössische annexatie van det schiereiland in 2014, haet ouk de stad einen betwiste status. De stad behuurt vólges Rösland tot de Rössische Federatie en haet status van 'n federaal stad. Zoeën functie haet zie ouk wie zeej nog de facto ónderdeil waas van de Oekraïne. Wichtig en van militair belang is de marinebasis, wao de Rössische Zwarte Zieëvlaot is gevestig.
In 2014 had de stad 393.304 inwoeëners. Ruum 70% van de bevólking is etnisch Rös. Ander minderhede zeen Oekraïeners (22,4%) en Wit-Rösse (1,6%). De oersprónkelike inwoeëners, de Krim-tatare, make slechs 0,5% oet van de totale bevólking.
