Karelië
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Karelië (Fins: Karjala, Róssisch: Карелия Karelija) is 'n historische regio in Naord-Europa, de deil oetmaak van Finlandj en van Róslandj.
't Grótste deil van Róssisch Karelië maak deil oet van 't Rippebliek Karelië en haet Petrozavodsk es de houfstad. Dit gebied ómvatj de historische landjstreke Ladoga-Karelië en Oeas-Karelië, wobie 't lètste oetereinvèltj in 't naordelik Wit-Karelië en 't zujelik Olonets-Karelië. Boeten 't Rippebliek Karelië, meh binne de grenze van Róslandj, vèltj 't deil van Karelië det 't Karelisch sjiereilandj mitte stad Vyborg ómvatj en det toet 't oblas Leningrad behuuert.
Fins Karelië is ónger te verdeile in Naord-Karelië (Pohjois-Karjala) en Zuud-Karelië (Etelä-Karjala). Dees bei gebiede höbbe de staot van pervinsje (maakunta) en höbbe betrèkkelik Joensuu en Lappeenranta es de houfstad.
't Karelisch sjiereilandj en Ladoga-Karelië maakdje toetten Twieëdje Werreldkrieg deil oet van Finlandj.