Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


Keëtje van d'r Laçin-corridor, klik t'rop vuur te vergruuete

D'r Laçin-corridor (Armeens: Լաչինի միջանցք, Lachini mijantsk; Azerbeidzjaans: Laçın dəhlizi or Laçın koridoru; Róssisj: Лачи́нский коридо́р, Lachinskiy koridor) is 'ne bergpas deë 'n wichtige verbinging vurmt tussje Armenië en de enclave Hoeëg-Karabach. Heë ligk binne de grenze van Azerbeidzjan en is va sjtrategisj belank. Tussje 1994 en 2020 woar d'r corridor de facto i heng van Armenisje separatiste, mar seër 't letste sjtaak-'t-vure van 2020 woeëd de sjtrook bewaak durch Róssisje vrejestroepe. De sjtrook woar 5 kilometer breed en doabinne loog ó.a. 't sjtedje Laçin (Armenisj: Berdzor). In 2022 koam d'r weëg in heng van Azerbeidzjan wie 'n nui verbinging get ten zude doava veëdig woar. Róssisje troepe bewake noe dizze nuie weëg en etnische Armene oet Berdzor en umligkende dörpe woeëde geëvacueerd.

Seër d'r december van 2022 woeëd d'r corridor geblokkeerd durch Azerbeidzjaanse aktiviste en sjpieëder ooch durch Azerbeidzjaanse militaire, mit 'n humanitair crisis i g'n enclave tot gevolg. In 't noajoar va 2023 vluchde bao de ganse etnisch Armeense bevolking va Hoeëg-Karabach via d'r corridor noa Armenië.

Kiek ooch bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Laçin-corridor&oldid=462109"