János Áder

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

János Áder (9 mei 1959 in Csorna, Hongarije) is 'nen Hongaorse polletieker vaan de conservatieve polletieke partij Fidesz. Vaan 10 mei 2012 bis 10 mei 2022 waor heer de staotsprizzedent vaan zie land. Daonao woort ziene partijgenoot Katalin Novák d'n ierste vrouweleke prizzedent vaan Hongarije. 't Hongaors prizzedentssjap karakteriseert ziech groetdeils es 'ne cerimoniele rol.

Áder studeerde aon de Eötvös-Loránd-Universiteit in Boedapes Rechsweitesjappe. 'r Wèrkde aon de Hongaorse Akedemie vaan de Weitesjappe, bij 't instituut veur de sociaol weitesjappe. Zie speciaolisatiegebeed waor de legislatieve mach in 't parlemint.

Áder is mèt de rechterse Anita Herczegh getrouwd, die de dochter is vaan Géza Herczegh, eine vaan de ierste rechters aon 't Internationaol Gerechshof vaan D'n Haag. Mèt Herczegh heet Áder veer kinder.

Fidesz

Áder is eine vaan de groondligkers vaan oondertösse de groetste conservatieve polletieke partij vaan Hongarije: Fidesz (Fiatal Demokraták Szövetsége; "Boond vaan Jong Democrate"). Vaanaof de verkezinge vaan 1990 en 1994 waor heer de verkezingschef vaan Fidesz. Danao, in 1997, woort heer de Viceprizzedent vaan de partei. Bis 2003 waor heer de partijveurzitter vaan Fidesz, wie Viktor Orbán - d'n allewijle premier vaan Hongarije - de positie euvernaom.

Vaan 2009 bis 2012 waor heer lid vaan 't Europees Parlemint (ouchwel Europarlemintariër geneump), boenao heer woort verkoze es d'n Hongaorse Prizzedent.

Fidesz is sinds 2021 deil vaan de Europese polletieke partij Europese Conservatieve en Hervörmers (European Conservatives and Reformers, ECR). De partij karakteriseerd ziechzelf es conservatief en liech-Eurosceptisch. Veur 2021 waor Fidesz deil vaan de christendemocratische Europese Volkspartij (European People's Party, EPP). De EPP wèlde evels de samewèrking stopzègke mèt Fidesz vaanweg häör versjèllende inbreuke op de rechsstaot. Aander partije die lid zien vaan de ECR zien, oonder aandere, de Belzje partij N-VA, de Duitse partije LKR en de Nederlandse partij FvD, JA21, SGP en MDD.

Brón

Duitstaolege wikipedia