Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Grevorsters, es te dit dialek sjpriks.

't Grevorsters is 't plat vaan Grevors (Grubbenvorst) in de gemeinte Haors aan de Maas. 't Is in groete lijne geliek aon 't Venloos; 't belaankriekste versjèl is tot Grevors, in tegestèlling tot Venlo, bove de uch-lijn ligk, zoetot de veurwerpsvörm bij geej in dit dörp ów is (en neet óch, wie in Venlo)[1]. Same mèt Venlo, Blierik, Bree (Maasbree), Zaerem (Sevenum), Árse, Lóm en Velde ligk Grevors in 't mich-kerteer: dat wèlt zègke tot me ik en o(u)k tegeneuver mich en dich kint. Dat is opmerkelek, umtot de wäörd ich en mich wijer bijnao euveral dezelfde verspreiding höbbe.

't Grevorsters is bekans identiek aon 't Veldes en 't Zaerems. Vreuger waor dat evels aanders: aon 't begin vaan de twintegste iew laog Zaerem nog boete 't mich-kerteer en zag me dao dus meej i.p.v. mich.[2]

Externe link bewirk

Referenties bewirk

  1. taolkaart Noord-Limburg
  2. Goossens 1968, geciteerd in Notten 1988


   Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Grevorsters&oldid=461314"