Fortuna sjpeelt häör wedsjtriede in 't Fortuna Sittard Stadion, dat 'n capaciteit haet van 12.500 zitplaatsje. Tot 1998 haet Fortuna altied in De Baandert gesjpeeld. De clubkleure zin gael en greun.
Op 19 mei2009 woort bekèndj dat de KNVB de proflicentie veur de club zouw intrèkke. De raeje waor financieel probleme, die de club neit binne korten tied kós oplosse. Dees besjlissing veel kort nao de mislökde fusiegesjprekke mit Roda JC. Kort daonao kaom 't aevel toch tot e reddingsplan.
In november 2010 is de club door de KNVB euvergeheveld nao de categorie 2, dat beteikent dat ze veurluipig ein proflicentie zal blieve behawte.
Nao de degradatie in 2002 drèjde de club jaorelank maotig tot sjlech in de Eesjte Divisie, dèks zelfs gans óngeraan. In 't sezón 2017/18 góng 't, ónger de Nigeriaanse trainer Sunday Oliseh (es voetballer bekèndj van ó.a. Ajax), innèns verbaozendj goud. Fortuna ènjigde as tweede. Ómdet kampión Jónk Ajax neit maogde promoveiere, keert Fortuna in 't sezón 2018/19 trök nao de Eredivisie.
Opmerking: 't Sezoen 2019/20 woort in verbandj mit de COVID-19-pandemie aafgebraoke. Fortuna hoofde daodaor gein naocompetitie óm behawd in de Eredevisie te sjpele.
Dit artikel is e sjtumpke. De kans Wikipedia helpe door 't aan te völle