Florida

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Florida is 'ne staot in de VS. De aofkorting is FL. De hoofstad is Tallahassee, mer de groetste stad is Jacksonville, allewel de bekindste stad Miami is.

Geografie

De kös vaan Florida

Florida heet 'n oppervlak vaan 170.451 km² (17,9% water), en heet 17.397.161 inwoeners (114,43/km²). 't Oppervlak vaan Florida bedreug 170.451 km² (17,9% water). 't Klimaat is subtropisch, en kin me 't mies vergelieke mèt 't Spaons klimaat. 't Hoegste punt vaan Florida is Sugarloaf Mountain.

Florida grens aon South Carolina, Georgia, Alabama en Mississippi.

Historie

Inheims Florida

De Paleo's (inheims Amerikaanse stam) oontdèkte Florida in 12.000 veur Christus. 't Zieniveau vaan Florida stoont toen 100 meter lieger es allewijl. Florida had ouch 'n druger en keuler klimaat es noe. De mieste stamme waore daan ouch actief aon de kös vaan Florida.

Europees Florida

't Ierste Europees kontak in Florida, waor in 1513. Florida woort oontdèk door Juan Ponce de León. Daonao verkinde oontdèkkingsreizegers 't gebeed. Florida woort daonao verkind door väöl lui, zoewie Pánfilo de Narváez (1528), en Hernando de Soto (1539 en 1542). In 1556 waor Florida Spaons gebeed, mer in 1607 vestegde de Ingelse ziech in Virginia en West-Virginia, wat toen nog bij Florida hoort. Daonao begóste de Ingelse ouch gebeed vaan 't huieg Florida in te pikke, en in 1783 waor Florida volledeg in han vaan Ingeland. Spanje veel obbenuits aon in 1783, en Florida woort weer e gebeed vaan Spanje. In 1819 woort Spanje evels gedwónge Florida aof te stoon aon de VS. Heimèt woort Florida op 30 miert 1822 de 27ste staot vaan de VS.

Amerikaans Florida

Florida woort groondgebeed vaan de VS. Oost-Florida en West-Florida waore weer 'ne staot op ziech, mer Oost-Florida en West-Florida zien wel twie provincies gebleve tot 1902. Wel woort e deil vaan West-Florida gesjoonke aon de staot vaan Mississippi. De argrarische cultuur vaan Florida oontwikkelde ziech in relatief isolatie.

Florida heet altied al mote lije oonder orkane. In 1992 kaom d'n orkaan Andrew zjus oonder Miami aon land, dee veur väöl sjaoj heet gezörg. In 2005 woort e groet deil vaan Zuud-Florida verweus door orkane.

Vereinigde Staote van Amerika