Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Veendel vaan Pennsylvania
Pennsylvania en de res vaan Amerika

Pennsylvania is 'ne staot vaan de VS. De groetste stad is Philadelphia, en de hoofstad is Harrisburg. Pennsylvania is gaans ingeslote door Maryland, West Virginia, Ohio, New Jersey en New York.

De veendel vaan Pennsylvania besteit oet 't sjèld vaan de staot, mèt links en rechs devaan e peerd ('t symbool vaan Pennsylvania) en debove 'ne adeleer ('t symbool vaan Noord-Amerika). Oonder 't waopesjèld is indiaanse maïs en lawweleer aofgebeeld, mèt dao weer oonder e lint boe 't staotelek motto Virtue, Liberty and Independence (Limburgs: "Däög, Vrijheid en Oonaofhenkelekheid") steit. 't Waopesjèld zelf toent e sjeep, 'n ploog en drei baole terf, die 't belaank vaan handel, arbeid en landbouw veur Pennsylvania symbolisere.

De naom heet de staot te daanke aon William Penn, dee de groond in 1681 gesjoonke kraog vaan de Britse keuning Karel II. Penn stiechde dao 'n kolonie veur de Quakers. De naom beteikent niks mie es land vaan de bosse vaan Penn (silva is latien veur "bos" of "woud").

GeografieBewirk

't Oppervlak vaan de staot bedreug 119.283 km² (boevaan 2,7%% water). 't Klimaat vaan Pennsylvania kint me 't mies vergelieke mèt 't klimaat vaan Duitsland, 't is dus e landklimaat.

't Hoegste punt vaan Pennsylvania is de Mount Davis (979 m), de res vaan de staot is oonregelmaoteg. 't Heet väöl gebergte, mer gein extreem hoeg of lieg punte.

GraofsjappeBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pennsylvania&oldid=375695"