Amerikaanse Maagde-Eilen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.



Amerikaanse Maagde-Eilen

Veendel vaan de Amerikaanse Maagde-Eilen

Zegel vaan de Amerikaanse Maagde-Eilen

Ligking vaan de Amerikaanse Maagde-Eilen

Gebeedsdeil van Vereinegde Staote
Basisgegaevens
Officieel taal Ingels
Hoofsjtad Charlotte Amalie
Sjtaotsvörm oongeïncorporeerd, georganiseerd territorium
Sjtaotshoof Barack Obama
gouvernäör John de Jongh
luit-gouvernäör Greogry R. Francis
[[{{{titelhoofregering2}}}]] {{{naamhoofregering2}}}
Opperflaakde
– % water
346,36 km²
1,0%
Inwoeners
Deechde:
105.870[1]
305/km²
Biekómmende gegaeves
Munteinheid Amerikaansen dollar (USD)
Tiedzaone UTC -4
Nationale fiesdaag 31 miert
Vouksleed Virgin Islands march
Web | Code | Tel. .vi | VIR | +1-340

De Amerikaanse Maagde-Eilen (officieel Virgin Islands of the United States, in daogeleks Ingels dèkser U(nited) S(tates) Virgin Islands) zien 'n otonoom gebeed oonder jurisdictie vaan de Vereinegde Staote. Ze make mèt de Britse Maagde-Eilen deil oet vaan de arsjipel vaan de Maagde-Eilen, zelf weer deil vaan de Klein Antille bove de wind. 't Territorium ligk westelek vaan 't ouch Amerikaans Puerto Rico. Veurheer (tot 1917) waore de eilen Deens.

Bestuurleke indeiling bewirk

 
Indeiling vaan de Amerikaanse Maagde-Eilen.

De Amerikaanse Maagde-Eilen zien verdeild in drei distrikte, die samevalle mèt de drei groetste eilen. Dees distrikte zien wijer verdeild in nog 20 subdistrikte, te vergelieke mèt gemeintes. De indeiling is de volgende:

Saint Croix:

  1. Anna's Hope Village
  2. Christiansted
  3. East End
  4. Frederiksted
  5. Northcentral
  6. Northwest
  7. Sion Farm
  8. Southcentral
  9. Southwest

Saint Thomas:

  1. Charlotte Amalie
  2. East End
  3. Northside
  4. Southside
  5. Tutu
  6. Water Island
  7. West End

Saint John:

  1. Central
  2. Coral Bay
  3. Cruz Bay
  4. East End

Fysische geografie bewirk

Mèt zoe'n 346 veerkentege kilometer zien de Amerikaanse Maagde-Eilen get groeter es Malta, meh kleinder es beveurbeeld Jan Mayen. Hoegste punt is Crown Mountain mèt 474 meter. 't Klimaot is tropisch, mèt maximumtemperature 't jaor door roond de 30°C, en vrij druug, mèt e regeseizoen in de herfs vaan 't noordelek haafroond (september-november); dit weurt door sterke passaotwin veroerzaak. Orkaone koume väöl veur.

Levende natuur bewirk

De Amerikaanse Maagde-Eilen zien vrij riek aon veugel, boevaan 't 232 soorte gief. Daovaan zien 'rs 6 door lui ingeveurd, en 19 zien zèldzaom of daolgaste. Endemische soorte höbbe de eilen neet. Opvallend is tot me hei väöl zieveugel vint die ouch in gemaotegde streke veurkoume, en neet väöl tropische veugel wie pappegejje.

Cultuur en demografie bewirk

Etnische verdeiling bewirk

Bij de volkstèlling vaan 2010 waor 79,7% vaan de bevolking zwart (Afro-Caribisch), 7,1% blaank, 0,5% Aziatisch en 12,7% gemingk of aanders. De Amerikaanse volkstèlling hèlt ouch 't aontal Latiens-Amerikaone ('Hispanics') bij, die vaan eder ras kinne zien. In 2010 waor 22,3% hispanic; vaan dees gemeinsjap waor 57% vaan gemingk ras, 27% zwart en 16%. Ze zien veural aofkomsteg vaan Puerto Rico; e paar koume oet de Dominicaanse Rippubliek.

Taole bewirk

Officieel taol in de Amerikaanse Maagde-Eilen is 't Ingels. De bevolking sprik Maagdeneilands Creool-Ingels, e dialek wat al in e vreug stadium sterk gedecreoliseerd is (mie e normaal Ingels dialek gewore) en sterk verwant is aon de dialekte vaan Sint-Eustatius en Saba. Vreuger woort op de Maagde-Eilen 'n Nederlandse creooltaol gesproke, 't Negerhollands, wat oondaanks ziene naom gooddeils op 't Ziews waor gebaseerd. Dees taol is in 1987 oetgestorve. Oondaanks de iewelang Deense hiersjappij weurt 't Deens veur de Maagde-Eilen neet opgegeve.[2]

Religie bewirk

De bevolking is zier dominant christelek; door zie Deens verleie is 't groetste deil vaan de bevolking lutheraons. Immigratie vaan hispanics heet ouch groete aontalle kathelieke nao de Amerikaanse Maagde-Eilen gehaold.

Historie bewirk

Wie de aander Antille woorte de Amerikaanse Maagde-eilen oersprunkelek bewoend door achterein de Ciboney, de Arowakke en de Caribe. Columbus deeg de eilen es iersten Europeaon aon in 1493, op zien twiede reis, en neumde ze Santa Cruz, San Tomas en San Juan. De eilen kraoge hun Franse naome oonder de Franse euverheersing later. Neve de Spanjole en de Fransoze höbbe ouch de Britte en de Hollenders kolonies op de eilen gehad. Vaanaof 1672 begós de Deensen tied, wie de Deense Wes-Indische Compagnie ziech op Saint-Thomas vestegde. In 1694 volgde Saint-John, in 1733 tot slot ouch Saint-Croix, wat vaan de Fransoze gekoch woort. Vaanaof 1754 woorte de Deense Wes-Indische eilen 'n kroenkolonie. De eilen brachte evels niks op; de Deense regering lag zelfs drop touw. In 1916 woort daorum mèt de Amerikaone bij verdraag beslote um de eilen euver te drage; dit woort op 31 miert 1917 geïmplementeerd. Sinds 1927 höbbe de inwoeners Amerikaans staotsbörgersjap.

Bronne bewirk

Dit artikel is gebaseerd op, meh neet vertaold oet, 't corresponderend Ingelstaoleg artikel, en wel in dees versie.

Rifferenties bewirk

  1. Amerikaanse Maagde-eilande, VS: Sjatting vaan de CIA in 2021
  2. Ethnologue report for U.S. Virgin Islands
Lenj in Naord-Amerika
Antigua en Barbuda · Bahama's · Barbados · Belize · Canada · Costa Rica · Cuba · Dominica · Dominicaanse Rippebliek · El Salvador · Grenada · Guatemala · Haïti · Honduras · Jamaica · Mexico · Nicaragua · Panama · Saint Kitts en Nevis · Saint Lucia · Saint Vincent en de Grenadines · Vereinigde Sjtaote van Amerika
Aafhenkelike gebejer: Amerikaanse Maagde-Eilenj · Anguilla · Aruba · Bermuda · Bonaire · Britse Maagde-Eilenj · Curaçao · Greunlandj · Guadeloupe · Kaaimaneilenj · Martinique · Montserrat · Puerto Rico · Saba · Saint Barthélemy · Saint Pierre en Miquelon · Sint Eustatius · Sint Maarten (Frans) · Sint Maarten (Nederlands) · Turks- en Caicoseilenj
Vereinigde Staote van Amerika
Alabama | Alaska | Arizona | Arkansas | Californië | Colorado | Connecticut | Delaware | Florida | Georgia | Hawaï | Idaho | Illinois | Indiana | Iowa | Kansas | Kentucky | Louisiana | Maine | Maryland | Massachusetts | Michigan | Minnesota | Mississippi | Missouri | Montana | Nebraska | Nevada | New Hampshire | New Jersey | New Mexico | New York | North Carolina | North Dakota | Ohio | Oklahoma | Oregon | Pennsylvania | Rhode Island | South Carolina | South Dakota | Tennessee | Texas | Utah | Vermont | Washington | West Virginia | Wisconsin | Wyoming
Aafhenkelike gebejer: Amerikaans Samoa | Baker Island | Goeam | Howland Island | Jarvis Island | Johnston-atol | Kingmanrif | Midwayeilenj | Navassa | Naordelike Mariane | Palmyra-atol | Puerto Rico | Amerikaanse Maageilenj | Wake