Euverlèk:Grebbeberg
Ieëmes woar mich te sjnel: :P
- 't Artikel is neet vaan miech. Este 't wèls oetbreie: gaank diene gaank. Steinbach Maak de wereld sjoender, besjrijf häöm op Wikipedia! 12 jan 2017 13:14 (CET)
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
D'r Grebbeberg is 'ne 52 meter hoeëge heuvel i g'n Nederlandse provins Utrech. 'r Vörmt 't miets zuudoeëstelige punt va g'ne Utrechse Heuvelrögk. Durch zing sjtrategische en markante laag mit zich op g'n reveer d'r Nederrijn en op de vlake Betuwe, hat d'r berg 'n groeëte historische en militaire beteëkenis. Oeëstelig va g'ne berg ligk d'r Geldesje Vallei, deë de sjei vurmt mit de Veluwe, 'nen angere groeëte sjtoewwal i Midde-Nederlank. De sjei tusje de sjtoewalle is hei semlig sjmaal. I de achtienden ieëw woeëd neëve d'r heuvel de Grebbelinie aagelag. D'r heuvel sjteet óch bekank um d'r Sjlaag um d'r Grebbeberg aan 't begin va d'r Twieëde Weltkreeg in mei 1940. Op d'r berg is óch 'n ieërebegraafplaatsj vuur de Nederlandse militaire die zint umgekómme i g'n sjtried.
D'r heuvel hat óch 'n beizungere natoerwaarde en is aageweëze as eërdkóndig monumènt. De zieër sjteile bösjhèllónge hant durch de laag noa 't zude toe e werm microklimaat, oeë 't beizungere flora guëf, wie op d'r Wageningse Berg aa g'n uëverkant va g'ne Geldesje Vallei, op de Veluwe.
Gesjichde bewirk
D'r naam va d'r Grebbeberg is aafgeleid va "Grebbe" of "Bisschop Davidsgrift", 'ne vuurloper van 't hüts Valleikanaal, dat durch d'r Geldesje Vallei sjtruimt. Dit kanaal kam oet in d'r Nederrijn, aa g'n voot va d'r heuvel.
Archeologische forsjóng hat aagetoeënd dat d'r Grebbeberg al 2.000 v. Chr. fortificaties houw. 't Guëf 'ne ringwal mit 'ne druëge grach, d'r "Heimenberg". Dees sjtamt vermuijelig oet d'r zeëvenden ieëw. Wat de functie van dit boewwirk woar, is nag unbekank. 't Kan zich hangele um 'n fortificatie va de Franke teëge de Frieze, meh dit kan óch good angesjum zing.
Topografie bewirk
'n Topografische kaat va g'ne Grebbeberg en de doaneëve geleëge Blauwe Kamer (december 2015). Klik op 't bild um 't vergroeëte.
Referenties bewirk
Dit attikel baseert zich op 't corresponderend attikel op de Nederlandse Wikipedia en is groeëtedeels samegevat in 't Limburgs.
Weblinks bewirk
|
Commons: Grebbeberg – Media gerelateerd aan dit óngerwerp |