Euverlèk:Šiprage

Wat mote v'r hei mèt? Eweggoeje? - Pahles | zègk 't mer 13 apr 2017 07:39 (CEST)

Woarum? De ieësjte vraag die i mich ópkunt is wie we dees pazjena kanne verbeëtere. 't Dialek is (gekopieerd) Minsters, gleuf ich. Sarajevo woeëd óch gesjreëve óp dat dialek. D'r ópmaak va de pazjena is waal sjlech. Zoeëvöal bilder óp zoeën kótte pazjena is gewuën lieëlig. --SCV (euverlègk) 13 apr 2017 09:25 (CEST)

En wee geit dat doen? Iech spreek en sjrief gei Minsters. Neet allein de hoeveelheid pleetsjes, mer ouch die lies links is volgens miech oonnudeg. Sarajevo weurt geneump, mer heet niks mèt dees plaots te make (kopieer en plak-actie?). Dat deit miech twiefele euver de res wat gesjreve is. En es wie kriege v'r dat dudelek? - Pahles | zègk 't mer 13 apr 2017 22:27 (CEST)

Wat is 't perbleem percies? Sarajevo hat inhaotelig neet vöal te make mit Šiprage. Is dat 't punt? Ich vergeliek de sjproak óp dees pazjena, en zieë dat vöal zatse en wöad uëvereekómme mit de anger pazjenas die óp 't Minsters gesjrieëve zint. Vandoa "gekopieerd". Ich gleuf óch dat dees pazjena durch ieëmes is gesjrieëve, deë wieënig of nog warsjinliger gar gee Limburgsj of Hollendsj kalt. De óplossing is hieël sumpel: uëverboajige bilder en links mótte voet en wier guëf 't krómme zatse en fuitsjes. Die kanne netuurlig óch verbeëterd weëde en ich wil dat gerre doeë. --SCV (euverlègk) 14 apr 2017 00:31 (CEST)

De anger pazjenas óp 't Minsters zint trouwes gesjrieëve durch ieëmes oet dat dörp. 'ne Nick es ich mich neet vergis. --SCV (euverlègk) 14 apr 2017 00:31 (CEST)

Klimaottabel

Pahles heet vaandaog de tabel aongepas door de kleurkes droet te hole, die volges häöm 'niks touwvoge'. Dao bin iech 't neet mèt ins. Zelf vin iech die kleurkes wel sjoen en zeker wel dudelek: ze make inziechtelek wie hoeg de temperatuur is en wie hel de rege. Zoe kin me zoonder iers alles aof te leze al direk e beeld kriege vaan 't klimaot. Euveregens wèl iech neet de weertabel vaan nl: of de: euverpakke, meh 't leefste die vaan en:. (Veur e veurbeeld vaan wie dat oet kin zien zuug en:Yakutsk#Climate, en:Fort_Lauderdale,_Florida#Climate of en:Bergen#Climate). Meh kinnelek is dee veurkäör neet algemein. Umtot 't weersjabloon nogal umvaankriek is en 'n sjat aon gecompleceerde module kint, zal iech 't neet importere es dao geine consensus euver is. Dit liek miech dus wel 't good memint um dao-euver te discussiëre: wèlle v'r wel of neet zoe'n weertabelle mèt kekke kleurkes? Steinbach Maak de wereld sjoender, besjrijf häöm op Wikipedia! 14 jun 2017 10:18 (CEST)

In dit geval veuge die kleure gaaroets niks touw. Boerum had miert en oktober dezelfde kleur, dewijl de gemiddelde temperatuur in oktober hoeger is es die vaan aprèl? 'tzelfde Mèt aprèl en september (technisch 'n aander kleur, mer uterlek bijnao geliek), dewijl mei 'n lieger temperatuur heet es september? Daorum höb iech 't weggehaold. Euveregens vin iech inhajd in dit geval belaankrieker es uterlek. Nog beter en väöl euverziechterleker zow zien es 't gein tabel waor mer 'n grafiekske, mer dao had iech noe geine zin in.

De euverziechte dies te neums op de EN wiki doen miech pijn aon de ouge. Beauty is in the eye of the beholder. Euveregens liek miech dees discussie mier te thoes hure in De kaffee. - Pahles | zègk 't mer 14 jun 2017 10:48 (CEST)

Ich vinj zelf de tabelkes van en: hieël dudelik en ouch de kluuerkes good. 't Tabelke waat noe hie steit vinj ich neet zoea euverzichtelik. --OosWesThoesBes (euverlègk) 14 jun 2017 14:23 (CEST)