Europees Kemissie

(Doorverweze van Europese Commissie)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Europees Kemissie

De Europees Kemissie (EK, Ingels: European Commission, Frans: Commission européenne, Duuts: Europäische Kommission) is 't einsegste instituut dat de direkte executieve mach vaan de Europese Unie (EU) es instituut oetoefend zoonder tot de belange vaan de EU-lidstaote mèt mage wege (wie dat wel 't geval is in d'n Europese Raod en Raod vaan de EU). Zie is verantweurdelek veur 't veurstèlle vaan wètgeving, oetveuringsbeslute, handhaving vaan de EU-verdrage en 't behier vaan 't daag-bis-daag-bedrieg vaan de EU. 't Weurt daorum soms ouch wel oetgelag es de regiering vaan de EU. Eurocommissarisse zwere bij de Hof vaan Justitie vaan de Europese Unie in Luxembörg verpanding aon de verdrage te respectere en gans oonaofhenkelek in de oetoefeninge vaan hun take tiejes hun mandaot zien.

De Kemissie wèrk wie'e kabinètregiering, mèt 28 leije vaan de Kemissie (informeel bekènd es kemissarisse of Eurokemissarisse). Per lidstaot gief 't ei lid, allewel leije zien geboonde aon de belange vaan de EU es gehiel in plaots vaan 't land vaan herkoms. Ei vaan de 28 is de President vaan de Europees Kemissie (allewijl Ursula von der Leyen) door d'n Europese Raod veurgestèld en door 't Europees Parlemint verkoze. De Raod beneump vervolges de aander 27 leije vaan de Kemissie in euvereinstömming mèt de veurgedrage veurzitter, en de 28 leije es ein inkel liechaom weure vervolges oonderworpe aon 'n stömming vaan 't Europees Parlemint. De allewijl Kemissie is de Kemissie-Von der Leyen, oonder leiing vaan Ursula von der Leyen; zie góng ind 2019 vaan start. Dèks weurt de veurzitter door de media Europese prizzedent geneump, al zal dat begrip noets weure gebruuk door de veurzitter zelf.

't Bezej 'kemissie' weurt gebruuk veur ofwel 't college vaan de 28 commissarisse ('t College) of um ouch 't gaans bestuursorgaan vaan oongeveer 23.000 Europese ambtenere te beneume. De gebrukeleke procedurele taole vaan de Kemissie zien Ingels, Frans en Duuts. In de praktiek hoof 'ne Kemissaris allein Ingels te hove spreke. De leije vaan de Kemissie en hun kabinètte (oonmiddeleke teams) zien gevesteg in 't Berlaymontgebouw in Breusel.

Allewel de Kemissie bij väöl sectore mer minimaole inbring heet in de EU vergeleke mèt nationale regieringe (wie oonderwies en gezoondheid), heet ze op aander gebeeje väöl mie mach. In 't vertegeweurdege vaan d'n Europesen interne merret in polletieke handelsoonderhandelinge mèt neet-EU-len heet de Kemissie zelfs de polletieke exclusiviteit um te mage spreke (en daobij höbbe de lidstaote dus in principe gein inkel mach).

Portefeuille Kemissaris Lidstaot Partij Opmerkinge
Prizzedent of Veurzitter
vaan de Europese Kemissie
Ursula von der Leyen Ursula von der Leyen Flag of Germany.svg EVP
(Nationaal: CDU)
Ierste Viceprizzedent
European Green Deal, Klimaat
Frans Timmermans Frans Timmermans Flag of the Netherlands.svg S&D
(Nationaal: PvdA)
Timmermans is 'ne in Mestreech gebore en deils in Heerle opgegreuide Limbörger
Viceprizzedent
Digitaole Ikkenemie en Maotsjappij: a Europe fit for the digital age
Margrethe Vestager Margrethe Vestager Flag of Denmark.svg Renew Europe
(Nationaal: RV)
Viceprizzedent
Hoege represant vaan de Unie veur Boetelandse Affaires en Veilegheidspolletiek
Josep Borrell Josep Borrell Flag of Spain.svg S&D
(Nationaal: PSOE)
Viceprizzedent
Promoting our European way of life
Margaritis Schinas Margaritis Schinas Flag of Greece.svg EVP
(Nationaal: ND)
Viceprizzedent
Democratie en demografie
Dubravka Šuica Dubravka Šuica Flag of Croatia.svg EVP
(Nationaal: HDZ)
Vicevoorprizzedent
An economy that works for people
Valdis Dombrovskis Valdis Dombrovskis Flag of Latvia.svg EVP
(Nationaal: Einheid)
Viceprizzedent
Interinstitutional relations and foresight
Maroš Šefčovič Maroš Šefčovič Flag of Slovakia.svg S&D
(Nationaal: Smer-SD)
Viceprizzedent
Weerdes en transparantie
Věra Jourová Věra Jourová Flag of the Czech Republic.svg Renew Europe
(Nationaal: ANO 2011')'
Zjustitie Didier Reynders Didier Reynders Flag of Belgium.svg ALDE
(Nationaal: Mouvement Réformateur)
Innovatie en jäög Marija Gabriel Marija Gabriel Flag of Bulgaria.svg EVP
(Nationaal: GERB)
Gezoondheid Stella Kyriakidou Stella Kyriakidou Flag of Cyprus.svg EVP
(Nationaal: Dimokratikos Synagermos)
Energie Kadri Simson Kadri Simson Flag of Estonia.svg ALDE
Nationaal: Eesti Keskerakond
Internationaol partnersjappe Jutta Urpilainen Jutta Urpilainen Flag of Finland.svg S&D
(Nationaal: SDP)
Interne merret Thierry Breton Thierry Breton Flag of France.svg Oersrpoonkeleke kandidaot Sylvie Goulard (weggestömp)
Neighbourhood en Oetbreiing Olivér Várhelyi Olivér Várhelyi Flag of Hungary.svg EVP Oersproonkeleke kandidaot László Trócsányi (weggestömp)
Handel Phil Hogan Phil Hogan Flag of Ireland.svg EVP
(Nationaal: Fine Gael)
Ikkenemie Paolo Gentiloni Paolo Gentiloni Flag of Italy.svg S&D
(Nationaal:PD)
Milieu en oceaone Virginijus Sinkevičius Virginijus Sinkevičius Flag of Latvia.svg Greune/EVA
(Nationaal: LVŽS
Jobs Nicolas Schmit Nicolas Schmit Flag of Luxembourg.svg S&D
(Nationaal: LSAP)
Geliekheid Helena Dalli Helena Dalli Flag of Malta.svg S&D
(Nationaal: MLP)
Budget en administratie Johannes Hahn Johannes Hahn Flag of Austria.svg EVP
(Nationaal: ÖVP)
Landbouw Janusz Wojciechowski Janusz Wojciechowski Flag of Poland.svg ECH
(Nationaal: PiS)
Cohesie en hervörminge Elisa Ferreira Elisa Ferreira Flag of Portugal.svg S&D
(Nationaal: PS)
Transport Adina-Ioana Vălean Adina-Ioana Vălean Flag of Romania.svg EVP
(Nationaal: PNL)
Oersproonkeleke kandidaot Rovana Plumb (weggestömp)
Crisismanagement Janez Lenarčič Janez Lenarčič Flag of Slovenia.svg
Thoesaffaires Ylva Johansson Ylva Johansson Flag of Sweden.svg S&D
(Nationaal: SSA)

BrónBewirk

  • Ingelstaolege Wikipedia


Insjtèllinge van de Europese Unie
Europees Parlemènt | Europese Raod | Raod van de Europese Unie | Europese Kemissie | Europees Hof van Zjustisie (deil vaan 't Hof van Zjustisie van de Europese Unie) | Europese Centraal Bank | Europese Raekenkamer
Europese insjtèllinge die neet ónger de bevoogheid van de EU valle: Raod van Europa | IOMTBM
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Europees_Kemissie&oldid=446141"