Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Paolo Gentiloni 2017.jpg

Paolo Gentiloni (Roeme, 22 november 1954) is 'nen Italiaanse sociaaldemocratische politicus en premier vaan Italië sinds 12 december 2016, wie ziene partijgenoot (Partito Democratico) Matteo Renzi aofstand naom vaan 't premiersjap.

Gentiloni is 'nen aofstammeling vaan de adeleke femilie Silberi. Heer studeerde politicologie in Roeme aon La Sapienza Universiteit. Es student waor heer al lid vaan 'n linksgeoriënteerde jongere-organisatie die evels al gauw de Communistische kant opgóng. Wie dat Gentiloni dudelek woort besloot heer euver te stappe nao 'n socialistische arbeidersbeweging. Tösse 1993 en 2001 waor Gentiloni de spindokter vaan de burgemeister vaan Roeme, Francesco Rutelli. In 2001 woort heer gekoze in 't Parlemint vaan Italië. e Jaor later riechde heer mèt aander lui de centrumlinkse partij La Margherita op. In 2006 woort Gentiloni herkoze veur 't parlemint en woort heer minister vaan Communicatie oonder 't premiersjap vaan Romano Prodi. Dat kabbenèt bleef aon bis 2008. In die periood waor Gentiloni betrokke bij de opriechting vaan de Partito Democratico (PD). Nao zie vertrèk es minister kierde heer trök nao 't parlemint. In april 2013 perbeerde heer verkoze te weure es de linkse kandidaot veur de verkiezinge vaan 't börgemeistersjap vaan Roeme. Heer indegde evels es daarde. In oktober 2014 woort heert beneump bis minister vaan Boetelandse Affaires in 't kabbenèt vaan de ierder geneumde Matteo Renzi. Heer volgde dao-in partijgenote Federica Mogherini op die häör amb had beslote te verlaote naotot zie in Breusel woort aongebooje Hoege Vertegeweurdegster veur Boetelandse Affaires en Veiligheidsbeleid vaan de Europese Unie te weure.

Op 12 december 2016 volgde Gentiloni Renzi op es premier, naotot lètsgeneumde aofgetroje waor es gevolg vaan e verlore groondwètsreferendum.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Paolo_Gentiloni&oldid=426343"