Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ernest Gellner (1970, Londe)

Ernest André Gellner (Paries, 9 december 1925 - Praog, 5 november 1995) waor 'nen Europese filosoof[1] en antropoloog. Door sommege weurt heer ouch es 'ne politicoloog gezien, al nömde heer ziechzelf 'ne polletieke filosoof. Heer stoond bekind es eine vaan de meis belaangrieke intellectuele vaan zienen tied en eine vaan de groondlègkers vaan 't kritisch rationalisme. Gellner is bekind um zien kritiek contra de filosofie vaan de normalen taol. Daoneve is heer allewijl nog ummertouw eine vaan de belaangriekste filosofe oet de analytische filosofie.

Zien ierste book, Words and Things (1959), woort 'ne bestseller in de Vereinegde Staote en 't Vereineg Keuninkriek. Heer neumde ziechzelf 'ne veger contra "closed systems of thought", mèt naom communisme, psychoanalyse, relativisme en kapitalisme (d'n "dictatuur vaan de vrije merret). De twie oonderwerpe boe heer ziech 't meis mèt bezeg heelt waor de theorie vaan modernizering en de ideologie vaan 't nationalisme - en in minder maote de rillatie tösse die twie koncepte. Zien multultureel perspectieve dege häöm d'r bis bewege um ziech bezeg te hawwe mèt drei versjèllende besjaovinge: de Westerse Wereld (Wes-Europa en Noord-Amerika), de Rössische wereld (Rösland en Oos-Europa) en de Mohammedaonse wereld ('t Middel-Ooste en Noord-Afrika). Heer weurt gezien es eine vaan de meis invloojriekste intellectuele op 't modern idee vaan nationalisme.

Versjèllende filosofie hadde 'n groet invlooj op Gellner, wie Max Weber, Bertrand Russell, Bronisław Malinowski en Karl Popper. Zelf had Gellner 'n groet invlooj op Benedict Anderson, Anthony D. Smith, Michael Mann, John A. Hall, José Guilherme Merquior en Sinisa Malesevic.

Allewel heer in ierste instantie veural väöl bekindheid genoot in de Ingelstaolege wereld is heer oetindelek 't meis aktief gewees op de Central European University in Boedapes.


De volgende sectie van dit artikel is gesjreve in 't Valkebergs.

Gellner euver de natieBewirk

't Begrip natie ies umsjtreie umdat zie historisch gezeen väöl weurt gelink mèt de ontwikkelinge rondum de polletiek ideologie rondum de natie: 't nationalisme. Gellner definieerde dit es e "polletiek prinsiep, wat d'rvan oetgeit dat polletiek en nationaal territoriaal einheje same moete valle". De definitie van de natie krieg daomèt 'n sjterk polletiek lajing en weurt ingevuld aan de hand van de achterliegkende polletieke belange volges häöm, en zie geit volges häöm dus väöl minder euver de daadwirkelikke besjtoonde culture in zoa'n natie.

  1. dat wèl zègke: 'ne Brits-Tsjechoslowaaks-Oosteriek-Hongaors-Franse filosoof
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ernest_Gellner&oldid=450928"