Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Rogkels, es te dit dialek sjpriks.

De Heibloom (Nederlands Heibloem) is e dörp in de Nederlands-Limburgse gemeinte Leudaal, aon de weeg vaan Rogkel nao Mael, mèt oongeveer 800 inwoeners. 't Is de noordelekste plaots vaan de gemeinte.

De Heibloom is nog mer e joonk dörp. Iewelaank bestoont de groond oet moerasechteg bosgebeed (bosriek is de umgeving noh ummertouw). In 1852 vestegde ziech hei de Konkergatie vaan de Broeders vaan Slevruiwke vaan Zeve Smarte, op 't terrein Widdonck. Oet hun instèlling kaom de jäögopvaank voort die dao nog ummertouw steit. Um hun kloester oontstoont laankzaamaon 'n nederzètting, die in 1947 groet genoog gevoonte woort veur 'n parochiekèrk.[1] In 1998 woort 't dörp algemein bekind es de woenplaots vaan 't vermoord keend Nicky Verstappen. Veur häöm en aander geweldsslachoffers steit op de Heibloom sinds 2000 e monumint. 't Leedsje Vlinder vaan Rowwen Hèze geit dao-euver; De Heibloom kump dao-in veur es 'n Dörp det 'n geheim bewaart. Tot 1993 veel 't dörp oonder de gemeinte Rogkel, tenao hoort 't tot 2007 bij Rogkel en Naer.

Referentie bewirk

  1. https://web.archive.org/web/20120210041647/http://www.leudal.nl/document.php?fileid=2064&m=1&f=9e06a9edbfcdb96051cbf6107a271f1e&attachment=1&c=1089

Externe link bewirk

 
Gemeinte Leudaal
 
Dörper: Baoksem · Bögkeme · Èl · Gratem · Haalder · Hale · Häör · De Heibloom · Heitse · Hunsel · Itter · Ittervoort · Kelpe-Oler · Naer · Nunem · Rogkel
Buurtsjappe en gehuchte: Ane Berg · Achter 't Kloeëster · As · Asbrook · De Baekkantj · Berik · Blenkert · Brook · Brumholt · Caluna · Castert · Drees · Eilandj · Eind · Èllerhei · Eksate · Euverhale · Gendiek · Geneige · Gerhègke · Hales Brook · Hansem · Hei · D'n Heiakker · Heioord · Heugde · D'n Hork · Hoeëgstraot · Hook · Hollander · 't Inj · In 't Vin · Kappert · Karreveld · Kelpe · Kinkhaove · De Laak · De Maksèt · Moosterstraot · Mortel · Nijke · Öffelse · Oler · Op de Bós · Ophaove · Rolig · Santfort · Sjans (Èl) · Sjans (Rogkel) · Sjaopsbrögk · Sjillershei · Smeedstraot · Sjtrubbe · Vlaas · Waje · Wienerte
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Heibloom&oldid=456367"