Nunem

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Hales, es te dit dialek sjpriks.

---

Nunem (Nederlands: Nunhem, evels 'tzelfde oetgesproke es in 't Limbörgs) is e dörp in de Nederlands-Limbörgse gemeinte Leudaal, zjus te noorde vaan Hale, mèt (1 januari 2006) 670 inwoeners. Petroenheilege is Sintervaos, dee in 't dörp 'n parochiekèrk oet 1893 heet, mèt 'nen torie zelfs oet de twelfden iew.

Historie

De naom weurt verklaord es nuuj-heim. Es de plaots in 1224 veur 't iers geneump weurt, is de naom op dat memint al Numen. 't Dörp is daan al 'n zelfstendege parochie. In Nunem stoont ouch 't kloester vaan Sint-Elisabethsdaal. Nunem maakde tösse 1450 en 1568 deil oet vaan 't graofsjap Häör. Tot 1942 waor Nunem 'n zelfstendege gemeinte, daonao maakde 't tot 2007 deil oet vaan de gemeinte Hale. In 2009 woort Nunem gekoze tot 't "sjiekste dörp vaan Limbörg".

Externe link

• http://www.nunhem.nl/