Geerten Gossaert

(Doorverweze van Carel Gerretson)

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Geerten Gossaert (Kralingen, 9 februari 1884 - Utrecht, 27 oktober 1958) is 'ne Nederlandse dichter dae in de literatuurgesjiedenis bekaand is mit èè hieël suksesvol waerk, n.l. d'r dichbundel Experimenten oet 1911. Daonao zow-e gèng poeëzie mie gepubliceerd ha. In februari 2007 zeunt echter nog twieë bundels, Langs den weg (1928) en Melati en rotan (1948), oontdèkt mit mieë wie näögetig oonbekaande gedichte.

Gossaert is d'r pseudoniem va historicus, essayist en politicus F.C. Gerretson, o.m. hoeëglierer koloniale gesjiedenis in Utrecht. Va 1925 bies 1934 waor-e lid van de Nationale Unie, de lètste twieë jaor es vörzitter. Va 1933 bies 1934 waor-e vörzitter van 't Directorium Corporatieve Concentratie, een fascistische organisatie. In wie-wiet Gerretson es 'ne fascist besjowd kint werre vèlt laestig eenduidig te zigke. In èèder geval besjowde Gerretson zich èèges vör 'ne tied es zoedanig. Prof. dr. L. de Jong besjowde häöm es 'ne fascist.

Gerretson waor 'ne exponaent van de Utechtse conservatief koloniale sjtreuming CHU en e sjtong in die partiej an de rechterziej. Wieër waor-e aanhaenger en oetdrager van de Groot-Nederlandse Gedachte en sjteunde-e de Vlamsje Bewaeging.

Va 1951 bies 1956 waor-e lid van de Örsjte Kamer vör de CHU. De CHU is naeëve de ARP en de KVP de driejde partiej die in 1980 't huidige CDA sjtichde.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Geerten_Gossaert&oldid=434002"