Björn Kuipers

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Björn Kuipers (Oldenzaal, 28 miert 1973) is 'ne veurmaolege Nederlandse voetbal sjeidsrechter. In 't daogeleks leve is heer filiaolmanager bij 'ne supermerret. Heer floot zoewel wedstrije in 't Nederlands profvoetbal es groete internationaol toernoje.

Carrièr

Kuipers woort in 2009 gepromoveerd nao de hoegste klas in de UEFA. Heer had toen al vrundsjappeleke wèdstrije en kwalificatiematches geflote. Zie debuut op e groet toernooj waor in 2012 bij 't Europees kampioensjap in Pole en Oekraïne. Heer floot dao-in twie duels in de grópsfaas. In 2013 stèlde me häöm aon es hoofsjeidsrechter in finaal vaan de Europa League. 't Jaor dao-op mós heer ouch de finaal vaan de Champions League fluite, en woort heer aon 't werk gezat op 't Wereldkampioensjap, boe heer drei grópsduels leide. Ouch op 't EK vaan 2016 waor heer presint, zoe good wie op 't WK vaan 2018. Op dat lèste toernooj maakde heer indrök en woort heer veur diverse belaankrieke knock-outmatche ingezat. De finaal flötde heer evels neet; dao waor heer mer veerden official.

Ouch op 't EK vaan 2021 maakden 'r indrök; hei had 'r wel de ier 't finaal te leie. Vaan te väöre had 'r al gezag tot 'r dat jaor zouw oetsjeie es sjeidsrechter veur profmatche. De lèste match deen 'r floot waor dee um de Johan Cruijfsjaol op 7 augustus vaan dat jaor.

Bron

Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in dees versie.