Sagittarius A

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Opname door 't Chandra X-ray Observatory. Sgr A East is de oetgebreide bron links vaan 't midde; Sgr A* is de helder puntbron rechs oonder 't midde.

Sagittarius A is 'n complexe radiobron in 't centrum vaan de Mèlkweeg, in de riechting vaan 't starebeeld Baogsjötter. Ze besteit oet drei deile, de restante vaan 'ne supernova Sagittarius A East (Sgr A East), e gebeed vaan geïoniseerd gaas en aander materie, de spiraol Sagittarius A West (Sgr A West), en 'n puntbron met hiel sterke radiostraoling, 't zwart gaat Sagittarius A* (Sgr A*) in 't centrum vaan de spiraol.

Vaan Sgr A* weurt algemein gedach tot dit 't supermassief zwart gaat is in 't centrum vaan de Mèlkweeg, mèt 'n massa vaan zoe'n 4 mieljoen kier die vaan de zon.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sagittarius_A&oldid=419710"