Amstel Gold Race 2017

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

D'n 52en Amstel Gold Race waor 'ne fietseren gehawwe op Ierste Paosdag (zondag 16 aprèl) 2017. Wie gebrukelek góng 'r vaan start op de Merret in Mestreech; aanders es vreuger finishden 'r evels neet op de Cauberg meh in Vild. 't Parkoer waor 261 kilometer laank.^[1] Neve de gebrukeleke race veur de manslui gaof 't, veur 't iers sinds 2003, ouch 'ne koers veur vrouwlui. Hun parkoer waor mèt 121 kilometer wel e stök korter.^[2] Winner bij de manslui woort de Belsj Philippe Gilbert, dee al veur de veerde kier de bèste waor. Bij de vrouwlui pakde Anna van der Breggen de wins.

Parkoer mannekoers bewirk

Parkoer vaan d'n Amstel Gold Race vaan 2017. Zuug wijer de hoofteks.

Winnares Anna van der Breggen.

Deignan op d'n Ezerbösjweëg.

Niewiadoma mèt de blomme.

Van Vleuten is toch ouch daarde.

Wie gezag waor de wèdstrijd (entans veur de manslui) 261 kilometer laank, en waor de finish neet op de Cauberg. Deze berg kaom wel nog in 't parkoer veur. In totaol fietsde de renners 35 kier tegen 'n helling op, boevaan 27 unieke. De finish waor in Vild; de lèste berg dee me beklom waor de Bieëmelerberg. De nuien opzat waor gemeind um de koers ope te breke; in veurgoonde jaore waore de renners ummer tot kort veur 't ind bijein gebleve um gein risico's te numme of krachte te verspèlle.

De volgende heuvele en hèllinge woorte aongedoon:^[3]

Slingerberg bij Gäöl
Adsjteeg bij Beek
Lange Raorberg bij Raor, Meerse
Bergsewaeg bij Ubachsberg
Subbergröb bij Sub
Cauberg in Valkeberg
Geulemerberg tösse Geulem en Berg
Misjerberg bij Mès (Eisde)
Kalleberg in Herkenter
Woofsberg in Hoegcruts
Loorberg in Heijenrath
Gulperberg bij Gulpe
Sjweeberigerweëg bij Ieperhei
Groete weeg (Julianastraot) in Ieperhei
Camerig
Dreilandepunt bij Vaols
Stök door 't Belsj bij Gemmenich
Vielenderbösj bij Viele
Pletteberg bij Wittem
Ezerweëg bij Trintele (Ubachsberg)
Sint-Remigiussjtroas in De Huls (Sumpelveld)
Vrakelberg bij Colmont
Fromberg
Bieëmelerberg bij Biemele
Krutsberg bij Wahlwiller
Ezerbösjweëg bij Eys
Keuteberg

N.B.: De hèllinge stoon in volgorde vaan versjijne in de koers. Me moot neet vergete tot sommege mie es eine kier veurkaome, zoetot de lèste geneumde hèlling neet per se de lèste in de koers is.

Parkoer vrouwekoers bewirk

De vrouwlui, die wie gezag 121 kilometer fietsde, finishde wel op de Cauberg.

Verluip mannekoers bewirk

Diverse Nederlandse renners, boe-oonder Tom Dumoulin, Robert Gesink en Bauke Mollema, dege neet aon de Gold Race mèt umtot ze ziech op de Runde vaan Italië aon 't veurbereie waore.

De manslui gónge um 10.25 o. vaan start. Kort nao de start oontstoont 'ne kopgroop vaan twelf rènners.^[4] Hunne veursprunk leep oet tot ètteleke menute, meh kort nao Gulpe (op oongeveer 40 km vaan de streep) woorte ze bijgehaold. Op dat memint spróng vaanoet 't peloton 'n nui kopgroop mèt diverse kanshöbbers weg. Door 't hoeg tempo en de vrij hellen wind braok 't peloton daonao in brök. Op 't ind zaote twie renners aon kop, Philippe Gilbert en Michał Kwiatkowski. De lèste góng de sprint aon, meh Gilbert haolden 'm veur de streep in um veur de veerde kier de Gold Race te winne.

Oetslaag manslui bewirk

Philippe Gilbert (Belsj) 6:33:55
Michał Kwiatkowski (Pole) zelfden tied

Verluip vrouwekoers bewirk

De vrouwlui startde e kerteerke nao de manslui, um 10.40 o. Ouch zij begóste op de Merret.

Mèt nog twinteg kilometer te goon, op de veurlèste kier Cauberg, sproonge drei rensters weg: Niewiadoma, Deignan en Longo Borghini. Zij kraoge 25 seconde veursprunk. In de lèste tien kilometer, op de Biemelerberg, maakde Van Vleuten d'n euversteek en zie kraog Van der Breggen en Rivera mèt ziech mèt. In 't Gastes, mèt nog zeve kilometer te goon, oontsnapde Olympische kampioen Anna van der Breggen oet dees kopgroep en haolde solo de finish. Häör plooggenoot Deignan won de sprint veur de twiede plaots en de Poolse Niewiadoma woort daarde. Nao de podiumceremonie woort bekind dat op de finishfoto ouch Annemiek van Vleuten daarde waor gewore.