Anna van der Breggen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Anna van der Breggen in 2018 nao de wins vaan 't Wereldkampioensjap.

Anna van der Breggen (Zwolle, 18 aprèl 1990) is 'n Nederlandse fietsrenster. Ze excelleerde in diverse disciplines, wie d'n eindaagse koers, d'n tiedrit, de rittekoers en 't mountainbike en is daobij ouch es veldrijster actief. In 2016 pakde ze de gouwe medalje bij de Olympische Speule.

Levesloup bewirk

Anna van der Breggen woort gebore in Zwolle, in 'n orthodox-christelek (gerifformeerd-vrijgemaak) milieu; anno 2020 zit ze nog ummer bij de kèrk. Ze deeg 'n opleiing tot verpleegkundege.

In 2012 deeg ze veur 't iers mèt bij de seniore, in 't WK Fietsrenne in Valkeberg, in 'n koers boe ze väöl werk in deens vaan Marianne Vos deeg. Datzelfde jaor woort ze ouch nog kampioen bij de juniore (<23). In 2013 indegde ze ouch weer hoeg (veerde) op e WK boe Vos 't goud pakde. Dit kós ze 't jaor dao-op neet herhole: dao braok ze in 'ne val häör bekke.

In 2015 won Van der Breggen zoewel de Giro Rosa es La Course. Bij de Speule vaan 2016 Rio de Janeiro won ze goud in de weegkoers, wat al-evel pas lökde naotot häör concurrent Annemiek van Vleuten zwoer waor gevalle. Diezelfde Speule haolde ze ouch nog broons in d'n tiedrit. In 2017 woort Van der Breggen gein wereldkampioen, meh haolde wel de Giro, de runde vaan Californië en talloes eindaagskoerse binne (o.m. de Waolse Piel, d'n Amstel Gold Race en Luik-Bastenaoke-Luik) binne, zoewie de Costa Blanca Bike Race ('n mountainbikekoers).

In 2018 pakde ze obbenuits diverse eindaagskoerse en 't WK op de weeg, dat lèste mèt 'n groete euvermach vaan veer menute veursprunk. 2019 brach nao verhajding minder succes (wel de Runde vaan Californië). In september 2020 beleefde ze häören alderbèste maond oets: iers won ze de Giro Rosa, inkel daog daonao won ze iers 't WK tiedrije en twie daog later ouch 't WK op de weeg. Zij is pas de twiede fietsrenster wee dat lök, nao Jeannie Longo in 1995. Ouch 2021 woort weer hendeg succesvol, mèt diverse klassiekers en de veerde wins in de Giro. Ze had evels aongekundeg tot dit häör lèste jaor zouw weure. Iers zouw ze oetsjeie nao de Speule vaan Tokio; later besloot ze evels 't sezoen aof te make. Häören titel op de weeg kós ze neet prolongere, meh ze haolde nog wel 't broons in d'n tiedrit.

Van der Breggen woent in Hasselt (Euverijssel) en is sinds 2018 getrouwd.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Anna_van_der_Breggen&oldid=450818"