Bieëmelerberg
- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Bieëmeles, es te dit dialek sjpriks.
De Bieëmelerberg ies 'ne heuvel in 't Heuvelland, get ten oaste van 't dörpke Bieëmele.
Landsjap
bewirkDe Bieëmelerberg liek op de euvergank tösje 't mieddeterras van de Maas nao 't Plateau van Mergraote. 't Oppervlak bedreug 7 ha. 't Terrein ies in vreuger tieje bebösjt gewaes, meh woort miè en miè gebroek es gemeinsjappelike grónd veur sjäöp te laote graze. Dao kaom in 1923 e ing aan. In 1942 woorte de ièrsjte deile aangekoch door Sjtiechting 't Limburgs Landsjap. Saer 1979 graze Mergellandsjäöp weer op de hellinge, zoadat 't typische ope karakter van diet landsjap behoute blief.
In 't gebied bevinge ziech in totaal vief mergelgrotte, woavan veer óndergrónds en ein bovegrónds. Anger typische landsjapselemente zint hol waeg en kiezelkoele.
Geologie
bewirk_op_de_Bemelerberg.jpg)
Op en róndum de Bieëmelerberg kump kalksjtein aan 't oppervlak, wat kriet oet de Formatie van Mesjtreech ies. Dao bovenop liek e mengsel van grind, zand en löss. De löss ies 'n eolische aafzetting van de Formatie van Boxtel, dus getransporteerd gewaore door de wind. 't Grind en 't zand dao-ónder zin fluviatiel aafzettinge van de Formatie van Bieëgdje, dat wilt zègke, aafgezat door vleujbaar water van de Maas. Dao-ónder liegke leimechtige zande oet de Formatie van Tongere en versjillende soorte kalksjtein oet de Formatie van Mesjtreech, woa-ónder Kalksjtein van Meersje, Kalksjtein van Nekum en Kalksjtein van Emael.
Flora en fauna
bewirkDe heuvel ies door de biezónder samesjtelling van de baom riek aan plante en bièste. 't Ies in Nederland de einige vindplaats van de berggamander (Teucrium montanum), dae in de umgeving wiejer allein veurkump op 't Belsje gedeilte van de Sint-Piètersjberg en op inkel plekke in de Ardenne. Me kint hie 't kleunkske vinge, meh ouch versjillende herdisse en e groat aantal insekte, woa-ónder vlindersj.
In de mergelgrotte houte versjillende soorte vleermuus hunne wintersjlaop. De berg ónderdeil van e Natura 2000-gebied.
Fietsrenne
bewirkDe Bieëmelerberg ies mièrder kière opgenome gewaes in de klassieker Amstel Gold Race. De etappe geit euveriges neet euver de Bieëmelerberg, meh euver de Krekelberg, dae dao kórtbie liek en op de ièrsjgeneumde berg oetkiek. 't Ies de 23e klim nao de Geulemerberg en veur de Wolfsberg.