Woiwodsjap Neder-Silezië

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

Woiwodsjap van Pole Neder-Silezië
Hoofplaats	Wrocław
Opperflaakde	19.946 km²
Inwoeners – deechde:	2.903.812 (30-06-2016) 145,6/km²
woiwode	Paweł Hreniak
Kreise	4 Kreisfreie Städte 26 Kreise
Gemeintes	169
Website	Website va Neder-Silezië

Woiowodjap Neder-Silezië (Pools: Województwo dolnośląskie; Dütsj: Woiwodschaft Niederschlesien; Silezisch: Dolnoślůnske wojewůdztwo) is 'n woiwodsjap i Pole. Zie grens aa g'ne Dütsje bondssjtaat Sakse in 't weste, aa Lubusz en Groeët-Pole in 't noarde, aan Opole in 't oeëste en Tsjechië in 't zude. Höar hoofsjtad is Wrocław.

Geografie

Neder-Silezië lig i ge noardwestelig deel va g'n ouw sjtreek Silezië. D'r naam suggereert dat 't óch e Hoeëg Silezië guëf. Dat is woiwodsjap Opole en Silezië. De zuudgrens mit Tsjechië zint de Sudete, e middelgebirgde. De Sněžka (Schneekoppe, Śnieżka) is mit 1.602 meter boave zieëniveau d'r hoeëgste berg. Dizze berg is óch d'r hoeëgste va Tsjechië. 't Lieëgste punt is 80 meter boave zieëniveau. De westelige grens weëd bepaald durch de Lausitzer Neiße. De Oder is 'n wichtige revier, die dils durch de woiwodsjap sjtruimt.

Sjteëj

Sjteëj mit mieë es 30.000 iwuënesj zint (sjtank: 30-06-2015):

Sjtad	Aatal iwuënesj
Wrocław (Breslau)	634.404
Wałbrzych (Waldenburg Schl.)	116.069
Legnica (Liegnitz)	101.133
Jelenia Góra (Hirschberg; 1927-1945: Hirschberg im Riesengebirge)	81.190
Lubin (Lüben)	73.567
Głogów (Glogau)	68.685
Świdnica (Schweidnitz)	58.516
Bolesławiec (Bunzlau)	39.412
Oleśnica (Oels, Olse)	37.372
Dzierżoniów (Reichenbach im Eulengebirge)	34.062
Zgorzelec (Görlitz)	31.359

Toerisme

De woiwodsjap is ee va drök bezóchte besjtemminge va Pole. Wrocław hat vöal sjoeën en hat historisch gezieë 'n zieër groeëte beteëkenis vuur 't land en de regio. De sjtad is de veer noa groeëtste va Pole. D'r zoo va g'n sjtad is ee va de aodste va Pole en is drei noa groeëte es 't geet um 't aatal deersoate. Wier hat de woiwodsjap vöal kesjtieële, 99 i totaal, en vöal forte sjtamme oet d'r Prusische tied. Wier kint Neder-Silezië twieë nationale parke.

Galerie

• 
  De kathedraal va Wrocław óp g'n "Ostrów Tumski": 't Kathedraaleilank
• 
  Jelena Góra: Cieplicepromenade
• 
  't "Eulengebirge" of "Góry Sowie"
• 
  Nationaal park Narodowy Gór Stołowych
• 
  't Książkesjtieël i Wałbrzych
• 
  't Interieur va g'n Vreëdeskirk i Świdnica: UNESCO-weltirfgood
• 
  Fort Silberberg

Externe links

Commons: Lower Silesian Voivodeship – Media gerelateerd aan dit óngerwerp