Snavelbieës

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

't Snavelbieës (Nederlandjs: vogelbekdier, Letien: Ornithorhynchys anatinus) is e zuigbieës det veurkump in Oeas-Australië en op Tasmanië. 't Is 't insigste geslech oete femielje vanne snavelbieëster (Ornithorhynchidae) enne óngerorde snavelbieësechtige (Platypoda); waal zeen nag anger fossiel saorte bekindj.

Same mitte veer aomezeikeechele (Tachyglossidae) behuuert 't bieës toete orde vanne cloacabieëster (Monotremata), die wiejer allein oetgestórve bieëstesaorten ómvatj. Wie de naam zaet höbbe dees bieëster 'ne cloaca; 't zeen de insigste zuigbieëster die eier ligke.

't Snavelbieës is 't insigste zuigbieës mit 'ne snavel; 't bieës gebroek dit flexibel orgaan veur te veule bieje jach op óngewirveldje bieëster oppe baom van reveren en óndepe maere. In taengestèlling toet veugel is de snavel zaach en neet hel. Wiejer haet 't bieës nag gifklere bieje achterpuuet.

Wie 't ieëste opgezatje bieës anen inj vanne achtieëndje ieëw aankwaam in 't wèste, mèndje e deil luuj det 't 'n vervalsing waas det bestóng oet liefdeiler van versjillendje bieëster die aanein wore geplek.

Taxonomie

Riek: Animalia (dere)
- Stam: Chordata (chordabieëster)
  - Klas: Mammalia (zougdere)
    - Orde: Monotremata (cloacabieëster)
      - Óngerorde: Platypoda (snavelbieësechtige)
        Femielje: Ornithorhynchidae (snavelbieëster)
        Geslech: Ornithorhynchus