Viviane Reding
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
_01.jpg)
Viviane Reding (Esch-sur-Alzette, Luxembörg 27 april 1951) is 'n Luxembörgse pollitika, journaliste, veurmaolegen eurocommissaris en waor eine vaan de zeve vice-prizzedente vaan de Europese Commissie vaan 2010-2014. Noe is ze lid vaan 't Europees Parlemint.
Reding haolde in 1978 häör diploom in minsweitesjappe te Paries, Fraankriek. In 1979 woort zie wèrkzaom bij de gezèt Luxemburger Wort en woort zie polletiek aktief bij de Christeleke Partij veur 't Luxembörgs parlemènt en de gemeinteraod vaan Esch-sur-Alzette. Vaanaof 1989 waor zie wèrkzaom bij de EU. Zie stoond bekènd es 'n veurvechster veur de regionale minderheije in Europese lindstaote. Heidoor kraog zie in 1992 de Creu de Sant Jordi, de hoegste ieretitel die 'n neet-Catelaonse kin kriege in Spaons Catelonië. Vaan 1999 tot 2004 waor zie aktief es eurocommissaris bij de Commissie-Prodi. Oonderwies, kultuur, jäög, media en sport waore de terreine boe zie in Europa euver góng. Vaan 2004 tot 2009 waor zie eurocommissaris veur de Commissie-Barroso I op 't gebeed vaan infermatiemaotsjappij en media. De terreine boe zie euvergóng bij Prodi woorte noe euvergenomme door de Cypriotische Androulla Vassiliou. Zie bleef dit ouch in de Commissie-Barroso II. Reding kraog toen de terreine justitie en minsrech. Infermatiemaotsjappij woort euvergenomme door de Nederlandse Neelie Kroes. Media vilt sins deen oonder de Spaonse Joaquín Almunia. Reding heet drei kinder.
