Venlose paeperkook

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

---

Venlose paeperkook is 'n saort paeperkook die vreuger gebakke woort in de stad Venlo. Al in 1452 woort 'n melding gemak van de kook, wie de Geldersen hertog Adolf van Gelre, getrakteerd woort op ein stök kook beej zien truukkóms van zien bezeuk aan 't Heilig Graf. In daen tied waas 't gebroekelik hoeëge gaste op zoeën stök paeperkook te traktere. Aan 't begin van d'n achtienden ieëw woort de specialiteit ouk geëxporteerd nao de kolonie Nederlands-Indië. In de neugetieënde ieëw bevond zich bevond zich beej de Maaspaort 'n bekkerie mit de naam "In den Venlooschen Peperkoek". Dit bedrief haet wies 1871 bestaon. De kook woort daonao nog door luuj zelf gemak. Hae bevatde honing, sukaode, (bete)sókker, groefelsnagele en amandele. Daormit verschilde hae van de ander paeperkeuk. Venlo stónd hieël lang bekind as "paeperkookstad".

Trivia

Meugelik is de Paeperstraot verneump nao de paeperkookbekkerie aan de Maaspaort.

Externe link

• Site euver de Venlose paeperkook mit modern recep, dit bevat aevel keniel en notebeschaot en is dös get anders van smaak as d'n oeërsprónkelike kook