Twan Huys
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Zaerems, es te dit dialek sjpriks.
Twan Huys (Zaerem, 24 miert 1964) is 'ne Nederlandse journalis en TV-presentator.
Van 1992 pès 2018 waor hae wirkzaam veur 't televisieprogram NOVA. Daoveur waas hae verbónje aan STAD Radio Amsterdam en de VARA. In 1999 woort hae veur NOVA correspondent in de Verenigde Sjtate mèt es sjtandplaatsj New York.
Énnige tied haet Twan Huys ouch Washington D.C. es sjtandplaatsj gehad, toen ónger angere same mèt 't NOS Journaal ein correspondentebureau in de Amerikaanse hoofsjtad woort opgerich. NOVA trok zich truk oet dit verbandj, naodat de samewirking tösje toenmalig NOS-correspondent Charles Groenhuijsen en Twan Huys neet good verleep.
In 2005 baarde Huys opzeen mèt exclusieve interviews mèt de Amerikaanse soldaote Lynndie England, die betrokke waas biej de missjtande in de Abu Ghraib-gevangenis, en mèt de Nederlander Joran van der Sloot, dae verdach woort van betrokkeheid biej de verdwiening van Natalee Holloway op Aruba. In 2006 kaom 't book Ik ben een New Yorker oet euver zien correspondentsjap veur NOVA.
Twan Huys is in 't sezoen 2006-2007 naeve Clairy Polak en Joost Karhof presentator van NOVA gewore, naodat de plaatsje van Jeroen Pauw en Paul Witteman vriejkaome. Dees twee presenteerde tösse 4 september 2006 en 23 mei 2014 dageliks hun eige late-night talkshow, geneump Pauw & Witteman. In New York woort Huys opgevolg door Willem Lust.
Twan Huys is in juni 2008 door 't tiedsjrif Opzij verkaoze tot meis aantrèkkelike man van Nederlandj.
In meërt 2018 góng hae euver nao RTL, wao hae de prizzentasie van RTL Late Night euvernump van Humberto Tan.
Beuk
bewirk- Twan Huys: Over geluk. Gevolgd door dezelfde tekst in het Sevenums/Zaerums Ouver geluk. Vertaling naar het Sevenums/Zaerums: Nel Thijssen-Schouten. Maartensdijk, B for Books, 2011. ISBN 978-90-8516-216-2