Spraokfemielje

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De verspreijing vanne groeate (ónger)spraokfemieljes oppe werreld.

'n Spraokfemielje is de gebrukelikste meneer van classificere womit me de spraoke vanne werreld in kan deile. Spraoke binnen ein femielje zeen óngerling verwantj, det wil zègke det die zich höbben óntwikkeldj oet 'n gemeinsjappelike veuraajerspraok, de protospraok. In wiedoet de meiste gevallen is dees veurajerspraok neet aangetróffe of slechs te reconstrueren aanhandj van 't spaars euvergeleverdj matterjaal. De status vanne spraokfemieljes kan variëre: sómmige zeen ónómstri-jje, anger zeen óngerwirp van discussie. Spraoke die mitte hujige gegaeves neet kónne waeren óngergebach in 'n bepaoldje femielje, wie 't Baskisch, zeen isolaatspraoke.

Spraoke waere döks ouch anges ingedeildj es aan häör genetische verwantje, wie aanhandj van 't geografisch gebied of aan gedeildje structurele kènmirke (sprachbund).

Lies

De volgendje spraokfemieljes höbben 'n artikel op de Limbörgse Wikipedia (wichtige óngerfemieljes staon ouch aangegaeve), indeiling nao Ethnologue:

• Afro-Aziatisch
  • Semitisch
• Algisch
• Altaïsch
• Andamanees
• Arawak
• Australisch
  • Pama-Nyungaans
• Austronesisch
• Dzjê
• Indogermaans
  • Baltisch
  • Germaans
  • Italisch
  • Keltisch
  • Slavisch
• Jivaroaans
• Khoisan
• Mayaspraoke
• Niger-Congo
• Nilo-Saharaans
• Oeralisch
  • Finoegrisch
  • Samojedisch
• Palaihnihaans
• Sepik
• Sino-Tibetaans
• Trans-Nuuj-Guinees

Euverige

• Amerindisch (zuuch ouch Amerindische spraoke (Greenberg))
• Isolaatspraoke