Altaïsche taole
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Altaïsche taole zien 'n gróp veural in Azië gesproke taole die dudeleke euvereinstumminge vertuine in typologie, klaanklier en vocabulair. De taole woorte veural vreuger es 'n femilie gezeen. Tot de Altaïsche taole hure, volgens hun die de hypothese oondersteune, in eder geval de Turkse taole, de Mongoolse taole en de Toengoezische taole, en volges sommege ouch de Japanse taole en 't Koreaans. Tot veurbij 't midde vaan d'n twintegsten iew woorte ze (nog zoonder Japans en Koreaans) algemein es taolfemilie gezeen; vaanaof de late jaore viefteg evels zien ummer mie taolkundege goon twievele of de euvereinkomste tösse de versjèlle gróppe neet ieder 't gevolg vaan 'ne Sprachbund waore. Aonhengers vaan de Altaïsche hypothese vint me allewijl veural in Rusland, oonder de 'Moskouse sjaol'. Turks, Mongools en Toengoezisch same neump me Micro-Altaïsch, de veurgestèlde femilie mèt Japans en Koreaans debij Macro-Altaïsch.
Gemein of väölveurkoumende kinmerke vaan de Altaïsche taole zien in eder geval 'n agglutinerende vörmlier, vocaolhermenie, naomvalle (veural Micro-Altaïsch), e groet aontal geliekluiende achterveugsels en e beperk aontal cognaote.
In 't verleie is 'n relatie tösse de Altaïsche en de Oeralische taole veurgestèld. 'n Klein minderheid vaan modern taolwetensjappers nump dees twie femilies, same mèt de Indogermaanse en nog aander taole, same in de macrofemilie vaan de Nostratische taole.
Dit artikel is e sjtumpke. De kans Wikipedia helpe door 't aan te völle