Reiderland: Versjèl tösje versies

Dit had tot gevolg tot 't [[socialisme]] en 't [[communisme]] dao al snel veuj oonder de groond kraoge. Nao de inveuring vaan 't algemein keesrech (in wèrking vaanaof de verkezinge vaan [[1919]]) kraoge de communiste in de gemeintes Beerta en Finsterwolde de mierderheid, zoetot de boere väöl vaan hun mach kwietraakde. 't Dominant communisme had ouch 'n veur deen tied oongewoen groete oonkèrkelikheid tot gevolg. Nao d'n oorlog bleef de [[CPN]] mechteg. In [[1951]] woort de gemeinte Finsterwolde oonder curatele gestèld umtot me ze te communistisch voont (in verband mèt de [[Kouwe Oorlog|Kawwen Oorlog]]). In datzelfde jaor hou Beerta namelik de veurpazjena van o.a. de ''Times'' gehaold durch bie de [[Kamerverkeezinge]] CPN te sjtömme. Wie in de [[VS]] 't [[McCarthyisme]] op zien hoeëgtepunt waor, waor 't ondenkbaar dat in 'n anger [[NAVO]]-land communistisch gesjtömpt werd. Dit zaot de Amerikane zoeë hoeëg dat zelfs de [[Marshall-hulp]] tiedelik aan Nederland sjtop gezat woeëd.
In [[1982]] kraog Beerta es ierste en tot noe touw einege gemeinte 'ne communistische börgemeister. De gemeinte Reiderland oontstoont in [[1990]] door samevoging vaan de gemeintes Beerta, Finsterwolde en Nieuweschans. De nui gemeinte hètde aonvenkelik Beerta meh woort midde [[1991]] umgeduip tot ''Reiderland'', nao de glieknaomege landstreek dee behave de gemeinte Reiderland ouch 'n aonpaolend stök in Duitsland besleit. Ouch nao de samevoging, 't opheffeopgaon vaan de CPN in [[GroenLinks]] en de val vaan de Moer is Reiderland es ein vaan de allerlèste plaotse in Nederland e communistisch bolwerk: de opvolger van de CPN, de [[NCPN]], is constant in de raod en bie B&W mit eine wethouwer vertegewoordeg gewees en waor tot [[2006]] zelfs de groetste partij. Mit 't verlees van de NCPN verdween och d'r letste communistische wethouwer, dhr. Hans Heres, van Nederland. Ouch de [[SP]] en de [[PvdA]] doen 't dao traditioneel good; de einege neet-linkse partij die mètdeit in Reiderland is ''Gemeentebelangen'', 'n partij die veural zienen achterban heet bij de boere. Um 't klein aontal inwoeners wèlt de provincie Groninge de gemeinte Reiderland veur [[2010]] mèt [[Scheemda]] en [[Winschoten]] samevoge.